Ben Gregory: "Prosiect Ewropeaidd yw Cross Cooking. Mae'n gyfle i rannu ryseitiau o wledydd gwahanol a'r tro yma, Cymru, Ffindir, Hwngari, yr Eidal a'r Almaen oedd yn cymryd rhan. Byddwn yn rhoi'r ryseitiau i gyd ar wefan cyn bo hir.

Ein syniad yma yn Nhalysarn oedd rhannu'r hen ryseitiau gyda phlant ifanc ysgolion Talysarn a Baladeulyn. Mae'n gyfle iddynt flasu bwyd ffres a sgwrsio gyda phobl hŷn y pentref am beth roedden nhw'n arfer ei fwyta."

Mair Daily: "Mi es i'r Almaen ar ran Cymru gyda Cross Cooking. Aethon ni yr holl ffordd i Leipzig i flasu bwydydd ein gilydd. Mi gawsom ni bupur wedi ei stwffio gyda reis a mins o Hwngari, tagliatelle o'r Eidal, cawl llysiau o'r Almaen, tarten llus o'r Ffindir a Welsh cakes o Gymru.

Fi sydd wedi gwneud y Welsh cakes ar gyfer plant Ysgol Baladeulyn heddiw. Mae'n bwysig rhannu ryseitiau gyda'r bobl ifanc a sicrhau eu bod yn bwyta llysiau a ffrwythau ffres."

Darllenwch ymlaen i wybod: