Bu tân enfawr dros nos yng Nghapel y Ton, Tonyrefail, a dim ond cragen yr adeilad sy'n weddill. Y mae'n drist iawn gorfod pasio a gweld dim byd ar ôl.

Bydd yn rhaid mynd ati i dynnu'r gragen i lawr nawr gan ei bod yn beryglus. Mae'r capel wedi cau ers rhai blynyddoedd ac mae ei weld heddiw yn brofiad trist iawn i holl drigolion Tonyrefail, ond yn enwedig y rhai hynny sydd â rhyw gysylltiad â'r capel. Diolch bod dwy gadair, bwrdd y sedd fawr a'r ddarllenfa wedi eu symud cyn y digwyddiad.

Adeiladwyd y capel gwreiddiol yn 1791 ac fe' i dadgorfforwyd yn 2002.

Rhybuddiwyd yr enwad yn 2005 fod pobl wedi torri mewn a niweidio'r capel.

Helen Prosser