Mae disgwyl i'r tri hedfan o Awstralia o fewn y dyddiau nesaf, ag iddynt ddechrau ymarfer gyda gweddill y garfan go gyfer a'r gêm yn erbyn Salford ar yr Ail o Ebrill.
Roedd Frank Winterstein a Rhys Hanbury yn aelodau amlwg o garfan y Crusaders tymor diwethaf.
Chwaraeodd Winterstein 29 gêm ac fe sgoriodd bedwar cais. Sgoriodd Hanbury 12 cais mewn 20 gêm.
Chwaraewr ail-reng ydi Hep Cahill, sy'n ymuno o glwb Melbourne Storm. Roedd yn rhan o'r tîm a drechodd Leeds Rhinos i ennill tlws her y Byd yn 2010.
Yn gynharach yn yr wythnos, cadarnhaodd y clwb eu bod wedi arwyddo Jordan Tansey ag Andy Bracek.
Roedd hyfforddwr y Crusaders, Iestyn Harris, yn hapus iawn fod y tri yn ymuno â'r garfan o'r diwedd:
"Bu'n broses hir a maith i ddod a'r chwaraewyr yma; ond mae'r tri yn chwaraewyr pwysig inni. Roedd Frank a Rhys yn chwaraewyr allweddol i'r tîm drwy gydol y tymor diwethaf.
"Mae Rhys yn chwaraewr amryddawn, ac mae bob tîm angen chwaraewyr fel hyn yn y garfan.
"Mae Frank yn rhedwr cryf. Mae'n chwaraewr ifanc, sydd efo dyfodol disglair yn y gêm.
"Rwyf yn edrych ymlaen at weld Hep Cahill yn chwarae. Yn ôl Craig Bellamy, hyfforddwr Melbourne Storm, mae'n un o'r athletwyr mwyaf naturiol iddo 'i weld - felly rydw i'n gobeithio ei weld o a Jason Chan yn ffurfio partneriaeth beryglus inni.
"Rydyn ni wedi parhau i fod mewn cysylltiad agos gyda'r tri chwaraewr trwy gydol y cyfnod yma, ac wedi paratoi rhaglenni ffitrwydd iddynt eu dilyn tra 'u bod yn Awstralia.
"Er nad ydyn nhw wedi chwarae llawer o gemau yn ddiweddar, rwyf yn gobeithio na fydd llawer o waith i'w wneud tan iddynt gyrraedd y lefelau ffitrwydd angenrheidiol.
"Rydyn ni'n closio at gael carfan lawn erbyn hyn, a bydd hynny'n creu cystadleuaeth iachus am lefydd yn y tîm."
Mae'r Crusaders yn teithio i Castleford ar gyfer eu gem nesaf yn y Super League. Bydd y gic gyntaf am 3pm ddydd Sul.
