Yr ymwelwyr oedd yn rheoli ar ddechrau'r gêm gyda Joe Westerman a Dean Widders yn croesi am gais yr un cyn i Rhys Hanbury a Jordan James daro nôl i unioni'r sgôr cyn yr egwyl. Wedi'r toriad fe aeth y Crusaders ar y blaen diolch i gais Weller Hauraki ond yna ildiwyd y fantais wrth i Michael Shenton a Rangi Chase groesi. Ond y Crusaders gafodd y gair olaf diolch i ymdrechion Tony Martin yn gyntaf ac wedyn Sammut yn hwyr yn y gêm. Mae'r fuddugoliaeth yn gadael y Crusaders dau bwynt y tu ôl i Castleford sy'n hawlio'r safle olaf ar gyfer y gemau ail gyfle.
 | 
