Croesodd Witt am ddwy gais yn yr hanner cyntaf cyn i'r eilydd Jarrod Sammut sicrhau'r fuddugoliaeth gyda chais yn yr ail hanner.
Roedd Sammut yn chwarae yn ei gêm gyntaf i'r Crusaders ers ymuno gyda'r clwb o Penrith Panthers yn ystod yr wythnos.
Dim ond un sesiwn ymarfer yr oedd Sammut wedi ei fynychu ers cyrraedd Prydain o Awstralia ddydd Gwener.
Roedd y Crusaders yn awyddus i dalu'r pwyth yn ôl wedi iddynt golli yn erbyn y Bulls yn Odsal fis diwethaf.
Fe ddaeth cais agoriadol y gêm wedi 22 munud ac fe chwaraeodd Gareth Thomas ran amlwg.
Cafwyd rhediad unigol gan gyn gapten Cymru a'r Llewod ac fe ochrgamodd yn wych cyn i Michael Witt groesi am y cais, dyma'n ei drosi'n llwyddiannus.
Roedd Witt i ymestyn mantais y Crusaders wedi 38 munud wrth iddo lwyddo gyda gôl adlam.
Ac yn symudiad olaf yr hanner fe sgoriodd Witt ei ail gais o'r gêm gan groesi o dan y pyst a hynny wedi i'w gic uchel achosi problemau i'r Bulls.
Fe drosodd Witt y cais yn llwyddiannus ac roedd tîm Brian Noble ar y blaen 13-0 ar yr egwyl.
Roedd dihanga i'r Crusaders wedi 66 munud pan benderfynodd y dyfarnwr fideo nad oedd Brett Kearney wedi tirio yn y gornel.
Ac roedd y fuddugoliaeth yn ddiogel munud yn ddiweddarach gyda Jarrod Sammut yn sgorio cais yn ei gêm gyntaf i'r clwb.
Croesodd Sammut am drydedd cais y Crusaders wedi cic a chwrs ac fe lwyddodd Witt gyda'r gôl ganlynol i sicrhau buddugoliaeth haeddiannol.
Bradford: Kearney, Sheriffe, Crookes, Nero, Halley, Sykes, Orford, Scruton, L'Estrange, Lynch, Whitehead, Donaldson, Menzies.
Eilyddion: Godwin, Worrincy, Hall, Kopczak.
Crusaders: Schifcofske, Thomas, Mellars, Hanbury, Youngquest, Witt, Lupton, O'Hara, Withers, Bryant, Hauraki, Chan, Trimarchi.
Eilyddion: Sammut, Peek, Thackray, Winternstein.
Dyfarnwr: Richard Silverwood (Dewsbury)
