Doedd dim golwg o Gareth Thomas yn y dorf wrth iddo benderfynu aros yn ne Cymru am benwythnos arall cyn cychwyn ymarfer gyda'r Crusaders ddydd Llun.
Ond mi fyddai Thomas wedi cael ei blesio petai wedi gweld ei dîm newydd yn mynd 12-6 ar y blaen wrth i Mark Bryant a Lincoln Withers groesi yn y chwarter awr agoriadol.
Ychydig funudau'n unig gymerodd Warrington i daro'n ôl gyda Simon Grix, Matt King a Ben Westwood yn sicrhau mantais o 24-12 ar yr egwyl.
Daeth rhagor o geisiau gan Westwood, Michael Monaghan, Chris Hicks a David Solomona yn yr ail hanner.
Warrington: Riley, Hicks, Bridge, Atkins, King, Grix, Monaghan, Morley, Higham, Carvell, L. Anderson, Westwood, Harrison, V. Anderson.
Eilyddion: Williams am Monaghan (31), Solomona am Morley (30), Wood am Carvell (20), L. Anderson am V. Anderson (48).
Crusaders: Kear, Youngquest, Dyer, Mellars, Raynor, Lupton, Witt, O'Hara, Withers, Bryant, Chan, Hauraki, Trimarchi.
Eilyddion: White am Lupton (50), Peek am O'Hara (15), Thackray am Bryant (19), Winternstein am Hauraki (27).
Torf: 11,113
Dyfarnwr: J Child (Dewsbury).
