Cafwyd dechrau dramatig i'r gêm gyda blaenwr Casnewydd, Robbie Matthews, yn sgorio yn y munud cyntaf.
Ar ôl tri munud, roedd yr ymwelwyr wedi dyblu eu mantais, efo Jamie Collins yn rhwydo'r ail.
Aeth Casnewydd ymhellach ar y blaen ar ôl 28 munud, yn dilyn ergyd hyfryd gan Danny Rose.
Ond, tarodd Mansfield yn ôl efo dwy gôl mewn tri munud. Daeth eu gôl gyntaf ar ôl hanner awr, gyda Lewis Moult yn rhwydo.
Ddau funud yn ddiweddarach, cafodd Moult ei lorio yn y cwrt gan Chris Todd. Gwelodd Todd gerdyn coch am ei drafferthion, a sgoriodd Lewis Briscoe o'r smotyn.
Gyda symudiad olaf yr hanner cyntaf, roedd Mansfield yn gyfartal, wrth i Moult hawlio'i ail gôl o'r gêm.
Mae'r canlyniad yn golygu fod Casnewydd yn parhau yn yr wythfed safle yn y tabl.
Mansfield: Collett, Sandwith, Day, Naylor, Silk, Briscoe, Thompson, Murray, Cain, Moult, Connor (Parker 74).
Eilyddion heb eu defnyddio: Grof, Nix, Smith, Spence.
Goliau: Moult 31, Briscoe 35 pen, Moult 45.
Casnewydd: Garner, Collins, Todd, Hatswell, Bignot, Miller, Odhiambo, Rose, Knights (Foley 74), Griffin (Odubade 82), Matthews (Morgan 46).
Eilyddion heb eu defnyddio: Thompson, Burns.
Cerdyn coch: Todd (34).
Cerdyn melyn: Matthews, Knights, Hatswell.
Goliau: Matthews 1, Griffin 2, Rose 28.
Torf: 1,986
Dyfarnwr: D Mohareb (Swydd Gaer).
