Daeth ergyd cynnar i obeithion Casnewydd wrth i AFC Wimbledon fynd ar y blaen wedi chwarter awr. Yn dilyn trosedd yn y cwrt ar Sammy Moore sgoriodd Danny Kedwell o'r smotyn i roi'r fantais i'r tîm cartre'. Ond o fewn naw munud roedd Casnewydd wedi taro 'nol. Craig Reid yn rhwydo o'r smotyn wedi trosedd gan Ismail Yakubu ar Robbie Matthews. Wedi 56 munud fe aeth y tîm cartre' ar y blaen unwaith yn rhagor. Danny Kedwell yn creu a Christian Jolley yn rhwydo. Ddeuddeng munud o'r diwedd roedd y sgôr yn gyfartal. Robbie Matthews a'r gwaith creadigol a Craig Reid yn sgorio ei ail gôl o'r gêm, a'i bumed o'r tymor. AFC Wimbledon : Brown, Blackman, Yakubu, Johnson (Minshull 45), Gregory, Hatton, Wellard (Yussuff 66), Jolley, Moore, Kedwell, Main Casnewydd : Thompson, Bignot, Warren, Todd, Odhiambo, Collins, Rose, Henry (Knights 73), Reid, Matthews, Morgan (Taggart 45) Dyfarnwr: Ian Cooper Torf: 3828
 | 
