Anafiadau i Jones ac O'Leary
08 Medi 2005
Gall chwaraewyr ganol cae Abertawe, Kris O'Leary ac Owain Tudur Jones, fethu'r mis nesaf oherwydd anafiadau. Anafwyd O'Leary tra'n ymarfer ac fe gafodd Tudur Jones ei gario oddi ar y maes wedi awr o gêm dan-21 Cymru yng Ngwlad Pwyl. Mae'r anaf yn glec i Tudur Jones, sydd wedi ymddangos yn y bedair gêm ddiwethaf i dîm cyntaf Abertawe ers ymuno gyda'r clwb o Fangor. Yr oedd rheolwr y tîm dan-21, Brian Flynn, yn llawn canmoliaeth o berfformiad Tudur Jones yn erbyn Lloegr yr wythnos ddiwethaf. "Yr oeddwn yn falch iawn gyda gêm lawn gyntaf Owain i'r tîm dan-21 yn erbyn Lloegr ddydd Gwener.
"Pan edrychwch lle yr oedd dri mis yn ôl, gyda Bangor, mae'n dangos be alle chi gyflawni."
Gyda O'Leary hefyd wedi ei anafu, mae rheolwr Abertawe yn gobeithio llewni'r bwlch yn y canol cae trwy arwyddo Marcus Bean ar fenthyg o QPR.
