Loeb yn llygadu teitl byd
15 Medi 2005
Mae'r Ffrancwr Sebastien Loeb yn gobeithio ennill coron Ralio'r Byd drwy ennill Rali Cymru Prydain a churo ei brif wrthwynebwyr. Bydd yn rhaid i'r gyrrwr Citroen guro Marcus Gronholm o wyth pwynt a Petter Solberg o dair pwynt tra'n sicrhau nad yw'n colli cysylltiad gyda Markko Martin neu Toni Gardemeister. Mae Solberg, gyda'r Cymro Phil Mills yn gyd yrrwr yn gobeithio am ei bedwaredd buddugoliaeth yn olynol pan fydd y rali yn dechrau yng Nghymru ddydd Gwener. Mae'r Albanwr Colin McRae yn dychwelyd i bencampwriaeth y byd fel rhan o dîm Skoda. Bydd rhan o'r rali yn cael ei chynnal o flaen torf o 50,000 yn Stadiwm y Mileniwm yng Nghaerdydd ddydd Sadwrn.
Cyhoeddodd Llywodraeth y Cynulliad Cenedlaethol y bydd y rali yn aros yng Nghymru am y bum mlynedd nesaf.
Dywedodd y gweinidog datblygu economaidd a thrafnidiaeth, Andrew Davies, y bydd Llywodraeth y Cynulliad yn parhau i noddi enw'r rali hyd 2011.
