ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
ဂါဇာဆေးရုံမှာ အစုလိုက် အပြုံလိုက် မြှုပ်နှံထားတဲ့ အလောင်းတွေတွေ့ရှိ
ကုလသမဂ္ဂ လူ့အခွင့်အရေး ဆိုင်ရာ မဟာမင်းကြီး ဂါဇာထဲက ဆေးရုံကြီး ၂ ခု ပျက်စီးနေတာတွေကို မြင်ရတာ အင်မတန် ထိတ်လန့်မိတဲ့ အကြောင်း ပြောပါတယ်။ အဲဒီမှာ လူအများအပြား မြှုပ်နှံထားတာတွေကိုလည်း တွေ့ရကြောင်း သတင်းတွေ ထွက်လာပါတယ်။ ပါလက်စတိုင်း အရာရှိတွေကတော့ အဲလ် နာဆာနဲ့ အဲလ် ရှီဖာ ဆေးရုံတွေကနေ သူတို့ ပြန်ဖော်ထားတဲ့ အလောင်း ၃၀၀ နီးပါး ရှိနေပြီ လို့ ပြောပါတယ်။ အစ္စရေး ကာကွယ်ရေး တပ်ဖွဲ့တွေကတော့ အခြေအမြစ် မရှိ မသေချာတဲ့ သတင်းတွေ ဖြစ်တယ်ဆိုပြီး ငြင်းဆိုထားပါတယ်။ ဘီဘီစီ ရဲ့ အထူးသတင်းထောက် ဖာဂါလ် ကီမန်း ပေးပို့ ထားတဲ့ သတင်းကို ကိုမိုးမြင့်က ပြောပြမှာပါ။ အခု သတင်းမှာ စိတ်အနှောင့်အယှက် ဖြစ်စရာတွေ ပါနိုင်ကြောင်း ကြိုတင် အသိပေးအပ်ပါတယ်။
