Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
Cofio - Osian Ellis
telynor - harpist
tu cefn llwyfan - backstage
Siôr y Chweched - George V1
darlledu - to broadcast
cerddorfa - orchestra
sêr - stars
gwahoddiad - an invitation
golygfa - scene
cyfeilio - to accompany (musically)
corgwn - corgis
...sgwrs rhwng y telynor enwog Osian Ellis a John Hardy ar y rhaglen 'Cofio' nos Fercher. Mae Osian Ellis wedi perfformio mewn rhai o theatrau mwya'r byd, ac o flaen y teulu brenhinol sawl gwaith. Ond mae'r sgwrs yma'n dechrau efo Osian yn sôn am ei amser yn gweithio yn y London Palladium. Dyma fo yn dweud yr hanes...
Rhaglen Dylan Jones - achubwyr bywyd
achubwyr bywyd - lifeguards
argoeli i fod - promises to be
gwasanaeth bad achub - lifeboat service
y cyhoedd - the public
traethau anhygoel - incredible beaches
y llanw - the tide
twyllo - decieve
cerrynt - current (of water)
diffyg gwybodaeth - lack of knowledge
baneri - flags
Difyr ynde? Dw i'n siwr byddai gan Osian Ellis lawer iawn o hanesion i'w dweud am yr adeg pan oedd o'n rhannu ty efo’r actorion Hugh Griffith a Richard Burton. Cawn ni eu clyed nhw rhyw ddydd, debyg. Yn doedden ni'n lwcus efo'r tywydd dros y Pasg yma? Mi roedd traethau Cymru'n hynod o brysur dros y gwyliau, ac mae hynny'n golygu llawer o waith i'r RNLI yn anffodus. Aeth Aled Hughes i Aberystwyth i gael sgwrs ar ran rhaglen Dylan Jones efo Eleri Roberts o’r RNLI a Tommy Turner, sy’n gweithio fel achubwr bywyd ar draethau ardal Aberystwyth
Stiwdio - Oriel Nwy
sefydlu - to establish
Oriel Nwy - Gas Gallery
am 'wn i - as far as I know
wedi ei rhestru - listed
gofod - space
welydd - walls
delfrydol - ideal
y flwyddyn gynt - the previous year
caniatâd - permission
brwdfrydedd - enthusiasm
Gobeithio'n wir na chafodd y RNLI na Tommy Turner yr achubwr bywyd eu galw allan yn aml dros y gwyliau ynde? Dan ni am aros yn Aberystwyth rwan i glywed sgwrs oedd ar Stiwdio ddydd Mawrth rhwng Nia Roberts a’r artist Mary Lloyd Jones am oriel newydd sydd wedi ei hagor yn Aberystwyth o'r enw Oriel Nwy. Wel dyna enw rhyfedd ar oriel gelf, meddech chi. Pam yr enw hwnnw tybed? Dyma Mary Lloyd Jones yn esbonio...
Geraint Lloyd - Marathon Llundain
ail-fyw - to relive
profiad anhygoel - incredible experience
awyrgylch - atmosphere
gweiddi - shouting
cefnogwyr - supporters
slofach - arafach
Dulyn - Dublin
y dorf - the crowd
sbio - edrych
codi pres - codi arian
Nia Roberts a Mary Lloyd Jones yn fan'na yn sôn am Oriel Nwy yn Aberystwyth. Weloch chi farathon Llundain yr wythnos diwetha? Dwn i ddim wir sut mae rhai o'r rhedwyr yn medru cwblhau'r cwrs, yn enwedig y rhai oedd efo gwisg ffansi. Doedd Sian Williams ddim yn gwisgo dim byd gwirion ac mi wnaeth hi orffen y ras mewn amser da iawn. Dyma hi efo Geraint Lloyd nos Lun diwetha yn sôn am y profiad o gymryd rhan yn y ras fawr...
Beti a'i Phobol - Dorothy Selleck
wastad - always
aduniad - reunion
yn rheolaidd - regularly
dygymod - to cope
treiddio mewn i'ch enaid - to enter your soul
ymladd ac ymdrechu - to fight and struggle
iaith corfforol - body language
ergyd - a blow
cymorth a chefnogaeth - help and support
geifr - goats
Da iawn Sian Williams ynde, yn cwblhau y marathon mewn pedair awr a phum munud. Pobol y lein oedd dan sylw Beti George wythnos diwetha wrth iddi sgwrsio efo Dorothy Selleck. Teuluoedd pobol oedd yn arfer gweithio ar lein rheilffordd ydy Pobol y Lein. Mae Dorothy Selleck yn eu hystyried yn rhyw fath o deulu iddi hi, a hynny ella gan iddi hi golli ei mam pan oedd hi'n ifanc iawn. Buodd Dorothy yn sgwrsio efo Beti am ei 'theulu' newydd hi ac am ei phlentyndod yn ardal Rhydymain yng Ngwynedd. Dyma i chi flas ar y sgwrs...
