Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
Dylan Jones - Paxman
gwleidyddion - politicians
gwahoddiad - invitation
codi ofn - to make afraid
rhywsut neu'i gilydd - somehow or other
cynhyrchydd - producer
difaru - to regret
dychmygu - to imagine
ymddangos - appearing
perthynas - relationship
yn gyfrifol am - responsible for
...mae Jeremy Paxman wedi cyflwyno ei raglen "Newsnight" olaf. Nos Fercher diwetha oedd hynny ac mae'n debyg bydd llawer o wleidyddion yn medru ymlacio rwan! Mi fuodd Sioned Morris o Lanystymdwy yn gweithio ar y rhaglen flynyddoedd yn ôl, ac mi wnaeth y dyn ei hun ofyn iddi hi gael diod efo fo yn y bar ar ôl y rhaglen. Be oedd ymateb Sioned tybed? Dyma hi'n dweud yr hanes wrth Dylan Jones ddydd Mercher..
Dylan Jones - Bidi Griffiths
Rhyfel Byd Cyntaf - First World War
dyddiadurion - diaries
milwr - soldier
yn dost - yn sâl
argraff fawr - a big impression
ymuno - to join
y fyddin - the army
wedi cael eu clwyfo - was injured
archifydd - archivist
cadarnhâd - confirmation
Dw i'n siwr bod Sioned wedi gwneud y penderfyniad cywir, ond 'sgwn i fydd hi'n difaru yn y dyfodol? Dan i'n mynd i aros efo rhaglen Dylan Jones am y clip nesa. Mi fuodd yna nifer fawr o eitemau am y Rhyfel Byd Cynta ar raglen Dylan gydol yr wythnos. Dydd Mawrth mi glywon ni ymateb Bidi Griffiths i rai o’r eitemau yma, a diddorol iawn oedd clywed Bidi yn sôn am ddyddiaduron ei thad, oedd yn filwr yn Galipoli ym Mil Naw Un Pump. Dyma i chi flas ar y sgwrs...
Geraint Lloyd - Dysgwyr Dyffryn Clwyd
bodoli - to exist
pwyllgor - committee
gweithgareddau - activities
amrywio - to vary
aelodau - members
cefnogaeth - support
datblygu - to develop
gwerthfawrogi - to appreciate
dros y ffin - over the border (England)
trawsdoriad - cross-section
Bidi Griffiths yn fan'na yn siarad efo Dylan Jones am ddyddiaduron ei thad o'r Rhyfel Byd Cyntaf. Apêl sy ganddon ni nesa, gan Manon Williams, sydd yn diwtor Cymraeg yn Nyffryn Clwyd. Mi glywon ni ar raglen Geraint Lloyd nos Fawrth bod dysgwyr y dyffryn yn andros o brysur, ond bod angen un peth bach arnyn nhw i wella'u Cymraeg. Be ydy hwnnw tybed?
Nos Fawrth - Kaikrea
cerddorion - musicians
alawon traddodiadaol - traditional tunes
cerddoriaeth werin - folk music
cefndir - background
yn achlysurol - occasionally
yn llwyr - totally
plethu - to blend
sail - foundation
curiad - beat
mentro mewn - to venture into
Manon Williams yn sgwrsio am waith Cymdeithas Dysgwyr Dyffryn Clwyd efo Geraint Lloyd a gobeithio, ynde, bydd llawer iawn o siaradwyr Cymraeg yn cynnig helpu. Dan ni'n mynd i orffen efo band newydd sbon - ‘Kaikrea’. Aelodau'r band ydy Sam Humphries, Angharad Jenkins, Kizzy Crawford ac Eifion Llywelyn. Mae tri ohonyn nhw wedi bod yn perfformio efo'r band Calan, ac mae Kizzie wedi gwneud enw i'w hunan mewn perfformiadau ar hyd a lled Cymru. Mae na rywbeth reit wahanol am eu mwisig fel yr eglurodd Angharad a Sion ar raglen Lisa Gwilym. Ar ôl gwrando ar y sgwrs gewch chi glywed trac gan y band. Sgwn i be fyddwch chi'n feddwl ohono fo?
