Pregethu am Helyntion

Band Gwyliwch y Gofod diweddaraf C2 yw Helyntion Jos y Ficar - band ska-ffync cyffrous o ardal Porthmadog.

Yn dilyn y newyddion trist fod un o fandiau byw mwyaf poblogaidd Cymru, Derwyddon Dr Gonzo, wedi rhoi eu gitars (a'u dillad ffansi) yn yr atic, mae Helyntion Jos y Ficar yn fand ifanc all helpu i lenwi'r bwlch enfawr sydd wedi ei adael ar ôl yn dilyn ymddeolaid y Derwyddon.

Ska-ffync hwyliog a geiriau ffraeth a doniol - mae hwn yn siwr o blesio cynulleidfaoedd led-led Cymru, a fydd hi'n fawr o dro nes fydd pawb yn dechrau pregethu am Helyntion Jos y Ficar (sori, odd rhaid)!

Gallwch ddarganfod mwy am Helyntion Jos y Ficar ar eu tudalen nhw ar Facebook - a chofiwch fod manylion HOLL gyn-fandiau Gwyliwch y Gofod ar wefan C2.

Hwyl am y tro - dwi off i ddawnsio!

Rob.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?