Labhairt
Eisimpleir de mheasadh labhairt a h-aon
Pàirt de chòmhradh: Chan eil goireasan cur-seachad gu leòr san sgìre agam fhèin – Pàirt 2
Earrann-obrach B
Tha thu air èisteachd ri Alasdair a' còmhradh ris an tidsear. Seo na bha air iarraidh air Alasdair anns a' phàirt seo den mheasadh.
- Gun gabhadh e pàirt ann an còmhradh.
- Gum freagradh e na ceistean.
- Gum biodh beachdan ùra agus inntinneach aige.
- Gum biodh briathrachas freagarrach aige.
- Gun deigheadh a thuigsinn gu furasta.
- Gun atharraicheadh e a ghuth, a dhòigh-labhairt agus an t-astar aig am biodh e a' bruidhinn gus am bhiodh na bha e ag ràdh air a neartachadh.
Dè cho math 's a chaidh aig Alasdair air na rudan sin a choileanadh?
Èist ris a' chòmhradh a-rithist. Smaoinich mu do bheachd fhèin air freagairt gach ceist. Nuair a nì thu sin, brùth 'Seall freagairt' agus nochdaidh beachd an tidseir air gach ceist.
Ceistean
Question
- An deach e an sàs anns a' chòmhradh?
- An do fhreagair e na ceistean?
- An robh beachdan ùra agus inntinneach aige?
- An robh briathrachas freagarrach aige?
- An deach a thuigsinn gu furasta?
- An do chleachd e diofar dhòighean air an aon rud a ràdh?
- An do dh'atharraich e a ghuth, a dhòigh-labhairt agus an t-astar aig an robh e a' bruidhinn gu h-èifeachdach?
- Chaidh. Cha robh agam ri taic sam bith a thoirt dha.
- Fhreagair e gach ceist gu math.
- Bha. 'S e beachd glè inntinneach a bha aige a thaobh cò bu chòir pàigheadh airson nan goireasan.
- Bha. Thagh e faclan sònraichte a chuidich e ann a bhith a' lìbhrigeadh na h-òraid, me an Comhairle, cleachdaidhean mì-fhallain...
- Bha. Thagh e faclan sònraichte a chuidich e ann a bhith a' lìbhrigeadh na h-òraid, me sgìre iomallach, barrachd ghoireasan...
- Chaidh. Bha a' Ghàidhlig glan agus bha barrachd misneachd aige a bhith a' bruidhinn gu fileanta.
- Chleachd. Mar eisimpleir, chuir e na h-abairtean a leanas gu feum: 'tha mi den bharail', 'tha mi a' smaoineachadh'...
- Bha Alasdair na b' fheàrr air a seo anns a' chòmhradh. Bha e na b' fhasa dha a bhith nàdarach ann an suidheachadh còmhraidh na anns an òraid.
Eisimpleir de mheasadh labhairt a h-aon
Earrann-obrach C
Cruthaich mapa-inntinn dhut fhèin a-nis airson a' chuspair a leanas:
"Tha e nas fheàrr fuireach ann an Alba airson saor-làithean na bhith a' dol a-null thairis."
An uair sin, ullaich òraid mun chuspair.
