Tomadan èadhair
Na còig phrìomh thomadan eàdhair
'S e tomhas mòr de dh'èadhar a bhios a' gluasad à aon sgìre gu sgìre eile a th' ann an tomad èadhair. Tha an t-sìde a bheir tomad èadhair thugainn a rèir na sgìre às an tàinig e agus an seòrsa uachdair air an tàinig e thairis.
Tha còig phrìomh thomadan èadhair ann a bhios a' toirt buaidh air an Rìoghachd Aonaichte.
Airson cunntas agus mìneachadh a thoirt air an t-sìde a bheir tomadan èadhair thugainn, smaoinich air na leanas:
- Dè an sgìre on tàinig an tomad èadhair - an ann bho Chearcall na h-Artaig, bhon Phòla a Tuath no bho na Tropaigean?
- An do shiubhail an tomad èadhair thar muir no tìr?
Cuidichidh an dà phìos fiosrachaidh gu h-àrd thu gu bhith a' toirt ainm dhan tomad èadhair agus gus cunntas a thoirt air na comharran aige. Seo na prìomh chomharran:
| A' tòiseachadh | Comharran |
| Tìr | Tioram |
| Cuantan | Fliuch |
| Tropaigean | Blàth |
| Artaig | Fuar |
| A' tòiseachadh | Tìr |
|---|---|
| Comharran | Tioram |
| A' tòiseachadh | Cuantan |
|---|---|
| Comharran | Fliuch |
| A' tòiseachadh | Tropaigean |
|---|---|
| Comharran | Blàth |
| A' tòiseachadh | Artaig |
|---|---|
| Comharran | Fuar |
Comharran air an t-sìde
Bu chòir dhut cuimhne a chumail air an fhiosrachadh sa chlàr gu h-ìosal airson a bhith cinnteach gun aithnich thu comharran sìde nan tomadan èadhair bho gach tùs-àite.
| Ainm | Tùs-sgìre | Comharran sìde |
| Tropaigeach Cuantach (mT) | Cuan an Atlantaig | Blàth agus fliuch |
| Tropaigeach Mòr-roinneil (cT) | An Roinn Eòrpa a Deas agus Afraga a Tuath | Blàth agus tioram |
| Pòlarach Cuantach (mP) | An Atlantaig a Tuath | Fuar agus fliuch |
| Pòlarach Mòr-roinneil (cP) | An Roinn Eòrpa a Tuath | Fuar agus tioram |
| Artaig Cuantach (mA) | Cuan na h-Artaig | Uabhasach fuar agus fliuch |
| Ainm | Tropaigeach Cuantach (mT) |
|---|---|
| Tùs-sgìre | Cuan an Atlantaig |
| Comharran sìde | Blàth agus fliuch |
| Ainm | Tropaigeach Mòr-roinneil (cT) |
|---|---|
| Tùs-sgìre | An Roinn Eòrpa a Deas agus Afraga a Tuath |
| Comharran sìde | Blàth agus tioram |
| Ainm | Pòlarach Cuantach (mP) |
|---|---|
| Tùs-sgìre | An Atlantaig a Tuath |
| Comharran sìde | Fuar agus fliuch |
| Ainm | Pòlarach Mòr-roinneil (cP) |
|---|---|
| Tùs-sgìre | An Roinn Eòrpa a Tuath |
| Comharran sìde | Fuar agus tioram |
| Ainm | Artaig Cuantach (mA) |
|---|---|
| Tùs-sgìre | Cuan na h-Artaig |
| Comharran sìde | Uabhasach fuar agus fliuch |
Tha atharrachaidhean ràitheil cuideachd a' toirt buaidh air teòthachd tomad èadhair. Tha an teòthachd as t-samhradh an-còmhnaidh nas àirde na tha i sa gheamhradh.
Cha bhi an tomad èadhair ris an canar tomad Artaig Cuantach ann ach ainneamh, ach nuair a bhitheas, bheir i thugainn sneachda mòr.
