Erdoğan ABŞ-ın Suriya kürdlərinə dəstəyini pisləyib
Şəklin mənbəyi, AFP
Türkiyə prezidenti Recep Tayyip Erdoğan Suriyanın əsas kürd qruplaşmasına dəstəyinə görə ABŞ-ı tənqid edib.
O, Washington-u Demokratik Birlik Partiyası (PYD) və onun silahlı qanadınının üzvlərini terrorçu kimi tanımamaqla “qan dənizi” yaratmaqda ittiham edib.
ABŞ-ın Suriyadakı İslam Dövləti adlanan qruplaşmaya qarşı mübarizədə etibar etdiyi PYD, PKK-nın bir qoludur.
Cənab Erdoğan 30 min suriyalını Türkiyə ilə sərhəddə saxladığına görə təzyiqlərlə üzləşib.
Qaçqınlar Hələb ətrafındakı Suriya hökumət qüvvələri və müttəfiq silahlıların hücumlarından qaçırlar.
