Dizüstə çökən Hitler fiquru New York hərracında $17.2 milyona satılıb
Şəklin mənbəyi, Other
Müəllifi italiyalı heykəltaraş Maurizio Cattelan olduğu diz üstündə çökən Hitler fiquru New York hərracında $17.2 milyona satılıb.
New York şəhərində başlamış hərraclar həftəsində, modern, müharibədən sonrakı dövrə aid və müasir incəsənət nümunələri Christie's and Sotheby's hərraclarına çıxarılır.
Jeff Koons-un "Suda üzən top" adlı kompozisiya da hərraca çıxarılıb.
Həmin kompozisiya $15.3 milyona satılıb.
Hər iki iş hərraca ilk dəfə çıxarılıb.
İtaliyalı sənətkar üçün onun işi rekord məbləğə satılıb.
Cattelan-ın ziddiyyətli heykəlciyi arxadan düzüstə çökmüş balaca uşağa bənzəyir. Lakin fiqura qabağdan baxanda sifətin Hitlərin sifəti olduğu şübhə doğurmur.
Christie's bu fiquru "müharibədən sonrakı dövrdə ortaya gələn kifayət qədər sadə və şokedici sənət əsəri" kimi təsvir edib.
Cattelan əlavə edib: "Hitleri hər yerdə tapmaq olar, tarixin müəyyən dövrü onun adı ilə bağlıdır; bununla belə onun adını çəkmək olmaz, onun təsvir etmək olmaz, onun ətrafında sankı sükut divarı yaradılıb."
"Mənim kimisə təhqir etmək niyyətim olmayıb. Mənim qalmaqal yaratmaq arzum yoxdur; mən sadəcə, bu fiquru bizim psixologiyamızı sınağa çəkmək üçün, bu barədə düşünmək üçün yaratmışam."
Fiqur insan tükündən, mumdan və poliester rezindən düzəldilib.
