Chelsea və Arsenal azarkeşləri Bakı və final barədə sosial mediada nə yazırlar?

Sosial media UEFA Avropa Liqasının final oyunu üçün Bakıya gələn azarkeşlər və oyunu ölkədən kənarda izləyənlərin şərhləri ilə aşıb-daşır.

Onların arasında Bakıya təyyarə uçuşuna hazırlaşdığını deyənlər, Bakının gözəl şəhər olduğunu yazanlar, tutduğu evi bəyənməyənlər və hətta Bakıya gəlməmək qərarı vermiş Henrix Mxitaryana görə hansısa addım atmağa çağıranlar da var.

Bakıya çatmaq

@FernhillOldBoy adlı istifadəçi Chelsea klubunun azarkeşidir, o final günü, yəni mayın 29-da təyyarə ilə Bakıya çatacağı ümidindədir.

"Bəlkə kiminsə yanacaq ehtiyatı var, Bakıya uça bilək? Yanacaq təchizatçısı ilə danışıqlar aparılarkən/məsələ çözülərkən. Artıq 1 saatdır".

@thecasualultra adlı istifadəçi Chelsea azerkeşlərinin Bakıya çatdığını xəbər verib: "Chelsea azarkeşləri ötən gecədın Bakıdadırlar".󠁧󠁢󠁥󠁮󠁧󠁿

@omaakatugba adlı istifadəçini Chelsea klubunun yerli azarkeşlərinin çıxışı valeh edib.

"Chelsea azarkeşlərinin əla çıxışı. Onlar İngiltərədən gələnlər deyil, yerlidirlər. Heyrətamiz. #Baku".

@NickDixonITV adlı istifadəçi isə pul məsələsinə toxunub: "£1000 uçuş üçün və £40 matça bilet üçün... #Baku -ya #UELfinal -na bu səhər uçmağa hazırlaşan #Arsenal azarkeşləri deyirlər ki, onlar bu məbləğin ikiqat çoxunu da məmnuniyyətlə ödəyərdilər!"

@Paul_CFC_ adlı istifadəçi Londonun Luton aeroportunda Bakıya yola düşməyə hazırlaşan azarkeşlər kütləsinin fotosunu yerləşdirib: "Luton aeroportu bu səhər#Baku"

@tersiered adlı xanım istifadəçi bacısının təkbaşına Londondan Bakıya gəlib çatdığından yazıb.

"#bbcfootball bacım Mary sevimli @ChelseaFC #bestbluesfanever klubunu alqışlamaq üçün Londondan Bakıya özü, təkbaşına gəlib".

Bakı barədə fikirlər və ingilis səhər yeməyi

@arutherfordNI adlı istifadəçini Bakı metrosu valeh edib.

"#Baku-da gözəl metro stansiyası. Əla şəhərdir ".

@SiPhillipsSport adlı Chelsea klubunun azarkeşini onun sevimli klubunun bayraqlarının Bakıda asılması sevindirib.

"Həm quruda, həm də dəniz üzərində! #Baku hörmətə layiq 👏"

@AaronBSM adlı istifadəçəsini isə Bakıda qaldığı yer deyəsən razı salmayıb.

"Bakıda qalmağa bir yer sifariş etmişdim. Burada hamam otağının ilk iki fotosu websaytda yerləşdirilmiş şəklillərdəndir. Sonuncu foto isə həmin hamamın əslində necə olduğunun görüntüsüdür. Avropa liqasında buna bənzər nəsə görmüsünüz?"

@Arsenalmwshirts adlı istifadəçini Bakıda sifariş etdiyi ingilis səhər yeməyi, deyəsən, razı salmayıb:

"#Baku -da əla bir səhər açılıb, baxmayaraq ki, İngilis səhər yeməyi gözlədiyimdən fərqli idi".

Mxitaryan və Arsenal

Jurnalist @GaryLineker yazır ki, @Arsenal bu gün axşam qalib gəlsə, oyunçulardan hər birinin kubokun təqdimatı üçün Mxitaryanın maykasını geydiyini görmək "ləzzət verər".

İstifadəçi @henrywinter öz səhifəsində Bakıda çiyninə Arsenalın bayrağını atmış azarkeşin şəklini dərc etdirib.

"Fan-zonaya yollanan #afc azarkeşinə təhlükəsizlik ximəti tərəfindən iki dəfə deyilib ki, bayrağı çiyinindən götürsün ki, maykasının arxasında yazılmış adı oxumaq mümkün olsun. "Siz Mxitaryanı axtarırsınız?" - azarkeş soruşub. Onlar axtarır."

@sntvstory kanalı da bu mövzuya toxunub.

"Mxitaryanın azarkeşləri Avropa finalı ərəfəsində Bakıda polisin təqibini hiss etməkdədirlər…. 😁.#Mkhitaryan #Arsenal #EuropaLeague #Baku #Chelsea #aubameyang"

Britaniyanın Azərbaycandakı səfirliyi (@ukinazerbaijan) Birləşmiş Krallıqdan gələn futbol azarkeşlərinə kömək göstərilməsini tezləşdirmək üçün səfirliyin əməkdaşlarını aeroport, stadion və fan-zonada yerləşdirib.

"Bu gün fərqli bir gündür! @Arsenal və @ChelseaFC #Baku -da @EuropaLeague kuboku uğrunda yarışacaqlar. Səyahət edən Britaniyalı azarkeşlər üçün xüsusi bir gündür. İstənilən Britaniyalı azarkeşin köməyə ehtiyacı yaranarsa, aeroport, azarkeşlər zonası və stadionda olan səfirliyimizin əməkdaşlarına müraciət edə bilər".