Lütfi Zadə dəfn edilib
Şəklin mənbəyi, AZƏRBAYCANIN LOS ANGELESDƏKİ KONSULLUĞU/FACEBOOK
Qeyri-səlis məntiq nəzəriyyəsinin banisi Lütfi Zadə I Fəxri xiyabanda dəfn olunub.
Bundan əvvəl Azərbaycan Milli Elmlər Akademiyasında onunla iki saatlıq vida mərasimi keçirilib. Vida mərasimində prezident İlham Əliyev iştirak edib, Azərtac xəbər verir.
Şəklin mənbəyi, Azertac
Dəfn mərasimində Prezident Administrasiyasının rəhbəri Ramiz Mehdiyev, ADA Universitetinin rektoru Hafiz Paşayev, AMEA prezidenti Akif Əlizadə, AMEA-nın vitse-prezidenti İsa Həbibbəyli, MSK sədri Məzahir Pənahov və digər şəxslərin iştirak etdiyi deyilir.
Lütfi Zadənin cənazəsi 29 sentyabr 03.00 radələrində Heydər Əliyev Beynəlxalq Hava Limanından Heydər məscidinə aparılıb.
Şəklin mənbəyi, APA
Məsciddə cənazə namazı qılınıb və Lütfi Zadənin ruhuna dualar oxunub, məlumatlarda deyilir.
Dünya şöhrətli alim sentyabrın 6-da 96 yaşında ABŞ-ın Kaliforniya ştatında vəfat edib.
