Trump Zelenskini qarşılayıb - bu dəfə mübahisəsiz
Şəklin mənbəyi, AFP via Getty Images
Ukrayna Prezidenti Zelenski bu dəfə Ağ evdə əvvəlkindən fərqli qarşılanıb.
Bundan əvvəl, ABŞ Prezidenti Trump-la görüşündə o, kostyum geyinmədiyi üçün tənqidlə üzləşmişdi.
Bu dəfə isə Ukrayna rəhbəri görüşə qara rəngli kostyumda gəlib.
Jurnalistlərdən biri deyib ki, o, kostyumda "əla" görünür və keçən dəfə onu tənqid etdiyi üçün üzr istəyib.
Prezident Trump da jurnalistin Zelenskinin geyimi ilə bağlı dediklərini təsdiqləyib.
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu YouTube
Video açılmırsa, Youtube kanalımızda baxın.
Bir neçə ay əvvəl Ukrayna Prezidenti eyni məkanda ittihamlarla üzləşmişdi.
Donald Trump onu milyonlarla insanın həyatını "qumara qoymaqda" günahlandırmışdı. Ona kostyum geyinmədiyi üçün irad da tutmuşdular.
Bu dəfə isə Zelenski Ağ evdə daha səmimi qarşılanıb.
Ukrayna Prezidenti bildirib ki, Trump-la söhbəti "çox yaxşı alınıb".
Zelenski ABŞ-a Putinlə Trump-ın Alyaskada görüşündən sonra gedib.
Rusiya və ABŞ prezidentləri Ukrayna müharibəsinin bitməsi yollarını müzakirə ediblər.
Bundan iki gün sonra Trump Zelenski və Avropa liderlərini Ağ evdə qəbul edib.
