Malcom Brabant BBC, Athinë

	Pensionistët janë shtetasit që preken nga masat shtesë të Greqisë

Fluturimet brenda dhe jashtë vendit përballen me probleme, pasi punonjësit e kontrollit të trafikut ajror janë hedhur në grevë.

Probleme pritet të ketë edhe në lidhjet e tjera me transport.

Dy sindikatat kryesore, që përfaqësojnë gati gjysmën e forcës punëtore në Greqi u kërkoi anëtarëve të tyre të braktisin vendet e punës në mesditë dhe të protestojnë kundër uljes së rrogave, ngrirjes së pensioneve dhe rritjes së taksave.

Konfederata e Përgjithshme e Punës thot se programi do të ketë pasoja të pakthyeshme mbi punëtorët dhe penalizon taksapaguesit e ndershëm.

Një zëdhënës tha se larg frenimit të krizës, këto taksat do të rrisin papunësinë, do të shkatërronin mirëqënien dhe do të mbysnin ativitetin ekonomik.

Masat e reja

Qeveria greke shpalli të mërkurën masa të rrepta ekonomike, që përbëjnë ndërhyrjen e saj të tretë që kur u mësua niveli i vërtetë i krizës së borxheve të Greqisë.

Presidenti i Komisionit Evropian, Hose Manuel Barroso, i vlerësoi këto masa, duke thënë se ato janë të rëndësishme për stabilitetin e të gjithë eurozonës.

Greqia duhet të ulë defiçitin për të shlyer urgjentisht një pjesë të borxhit në muajin prill.

Kryeministri Jorgo Papandreu e krahasoi krizën e buxhetit, të cilën po përjeton vendi me situatën e një kohe lufte dhe tha se Greqia ishte në prag të falimentimit.

Bashkimi Evropian i ka bërë presion Athinës që të marë masa shtrënguese shtesë për të përmirësuar gjendjen e financave.

Sindikatat kanë zhvilluar greva kundër planeve të qeverisë dhe ministri i ekonomisë ka paralajmëruar që këto masa të jenë të drejta nga ana sociale.