Andrew Walker Korrespondent i BBC-së

	Greqia është duke u përpjekur për të reduktuar defiçitin e lartë buxhetor

Komisioneri për Çështjet Ekonomike i përshkroi planet si ambicioze, por të realizueshme.

Komisioneri i BE-së, Joaquín Almunia ka paraqitur një procedurë për të siguruar që autoritetet greke të raportojnë statistika buxhetore të besueshme.

Ai mirëpriti masat shtesë të ndërmarra nga Greqia, për të ulur defiçitin buxhetor që është katër herë më i lartë, sesa lejojnë rregullat e zonës euro.

Financat publike greke janë problemi, me të cilin i duhet të merret zona euro.

Ka shqetësime se qeveria mund të mos arrijë të paguajë kamatat e borxheve që do të shkaktonte probleme në tregjet financiare për vendet e tjera që përdorin euron.

Kjo është arsyeja përse mbi Greqinë është ushtruar presion i madh që të zvogëlojë defiçitin buxhetor.

Komisioni Evropian i ka miratuar tani planet e vendit, por zbatimi i tyre që ka të bëjë me ulje të shpenzimeve dhe taksa shtesë, pritet të jetë një sfidë e madhe politike në vend.

Nëse do të ketë rrezultate negative, paralajmëroi Komisioni ai do t'i kërkojë më pas Greqisë të ndërmarrë hapa të mëtejshme.

Në një fjalim të transmetuar në televizion ditën e martë, kryeministri Jorgo Papandreu i bëri thirrje publikut të mbështeste reformat, ku përfshihen edhe ngrirje të rritjes së pagave për sektorin publik.

Megjithatë punonjësit e sektorit publik kanë planifikuar greva javën e ardhshme.