Ilir Kadia BBC, Tiranë

	Bamir Topi premtoi se do të jetë president i të gjithë shqiptarëve

Bamir Topi u betua me dorën mbi kushtetutë se do të respektojë ligjet e shtetit dhe se do jetë një president i paanshëm.

Betimi u bë të martën në mbrëmje në sallën e Kuvendit të Shqipërisë me praninë edhe të një numri të madh të deputetëve të opozitës.

Në ceremoninë e ndërrimit të presidentëve në Pallatin e Brigadave ishte i pranishëm edhe kryetari i PS-së, Edi Rama.

Socialistët thonë se do ta mbështesin presidentin Bamir Topi nëse ai zbaton paktin mes shumicës dhe opozitës për reformat në vend.

Presidendti i Republikës, Bamir Topi u premtoi partive të majta se do të gjejnë hapësirën e nevojshme në reformat për forcim dhe balancim të institucioneve të pavarura dhe kushtetuese.

Ai kërkoi nga shumica të japë mesazhin e bashkëpunimit me opozitën për reformën në institucione duke theksuar reformën në sistemin e drejtësisë.