James Robbins Korrespondent i BBC-së

	Artistët Bono dhe Bob Geldof po bëjnë fushatë për mbështetje

Një korrespondent diplomatik i BBC-së tha se grupi i udhëheqësve të G8-s e pranoi se nuk janë duke mbajtur premtimet e bëra Afrikës dhe pranuan të rekuperojnëpër atë që nuk është arritur përsa i takon fondeve për arsimin e fëmijëve të kontinentit.

Gjashtë udhëheqës afrikanë ia bashkuar diskutimeve në samit.

Presioni është rritur në mënyrë të veçantë për atë që quhet mbushja e boshllëkut në planet për një ndihmë universale për ilaçe kundër Aids-it dhe për arsimimin bazë të të gjithë fëmijëve në Afrikë.

Këngëtarët, Bob Geldof dhe Bono kanë bërë përpjekje për të marrë mbështetjen e udhëheqësve të veçantë.

Kryeministri britanik, Tony Blair pranoi se ka patur dështime dhe vonesa, në përmbushjen e premtimeve për Afrikën.

Ai e bëri këtë deklaratë duke theksuar edhe angazhimet e reja dhe të mëdha për ndihmë nga ana e Gjermanisë dhe Shteteve të Bashkuara.

Miliona njerëz do të presin që ky samit të ecë përpara duke marrë shembull nga marrëveshje për klimën, por kësaj rradhe të ecë përpara për të varfërit në Afrikë.