Bush dhe Merkel

Larg kamerave televizive, mundësisë për fotografi si edhe larg konferencave të shtypit zyrtatrët punojnë ende, zakonisht deri natën vonë për të hartuar deklaratat në bazë të të cilave vlerësohet suksesi i samitit.

Por shumica e bisedimeve dhe shkëmbimeve diplomatike ndodh gjatë takimeve dypalëshe, është një mundësi për të takuar udhëheqësit e rinj si presidenti francez Nicolas Sarkozy.

Takimet i hapin Presidenti Bush dhe Kryeministri britanik Tony Blair.

Zoti Bush do të takohet me homologun e tij rus, Vladimir Putin. Mbrojtja raketore, programi bërthamor i Iranit dhe Kosova mund të jenë në krye të axhendës së bisedimeve.

Më vonë gjatë ditës, zoti Putin mund të dëgjojë një mesazh të sinqertë nga presidenti i ri francez, i cili duket se do të mbajë një qëndrim më të ashpër ndaj Moskës sesa parardhesi i tij.

Zotit Bush i duhet mbështetja e vazhdueshme për qëndrimin ndaj programit bërthamor të Iranit dhe udhëheqësit perëndimorë po ashtu presin ndonjë shenjë të qartë nga rusët për çështjen e Kosovës.