Merkel tha se koha po kalonte shpejt për të zbatuar objektivat

Të enjten udhëheqësit evropianë ranë dakord në parim për të arritur objektivat për ripërtëritjen e energjisë.

Presidenti i Komisioni Evropian, Jose Manuel Barroso, tha se samiti për energjinë ishte një shans që nuk duhej humbur.

Udhëheqësit thanë se vendosja e kuotave iu dërgonte një mesazh të qartë vendeve të mëdha si Shteteve të Bashkuara, Kina dhe India që edhe ato të japin kontributin e tyre.

Kancelarja gjermane, Angela Merkel, u bëri thirrje udhëheqësve evropianë që të drejtonin përpjekjet në luftën kundër ngrohjes globale për të ardhmen e brezave të ardhshëm.

Zonja Merkel, vendi i së cilës ka edhe presidencën e rradhës të BE-së, dëshiron që 27 udhëheqësit, në samitin në Bruksel, të angazhohen për të ulur me 20% emetimin e dioksidit të karbonit deri në vitin 2020.

Si pikë referemi do të merret niveli i gazrave në vitin 1990.

Kancelarja Merkel hodhi poshtë shqetësimet e punëdhënësve evropianë se objektivat për ripërtëritjen e energjisë ishin të paarritshme dhe do të mbyllnin vende pune.

Vendet ish komuniste si Polonia, që mbështetet shumë në qymyrguret e lira, thotë se planet janë shumë të kushtueshme.

Franca dhe Finlanda duan që energjia bërthamore të përfitojë në të njëjtën masë, sikurse energjia djellore dhe ajo e përfituar nga fuqia e erës.

Edhe sikur të arrihet një marrëveshje në samitin e Brukselit, Evropa nuk do të gdhihet e gjelbër brenda një nate.

Do të duhen muaj, ndoshta vite, për të vendosur se cilat vende do të paguajnë koston më të madhe.