Çdo minut një fëmijë vdes nga sëmundjet e lidhura me Aids-in

UNICEF-i, thotë se fëmijët janë anashkaluar në luftën kundër sëmundjes.

Ai thotë se çdo minutë një fëmijë vdes nga sëmundjet që lidhen me Aids-in, por vetëm pesë për qind e fëmijëve të infektuar me virusin HIV marrin trajtim mjeksor.

UNICEF thotë se rreth 15 milion fëmijë kanë humbur të paktën një prej prindërve nga Aids-i.

Sipas statistikave më pak se 10 për qind e fëmijëve të mbetur jetimë marrin ndihmë publike për sëmundjen.

Fushata e OKB-së është e përqëndruar në Afrikë, në Evropën Lindore dhe Azinë Qendore.

Në këtë të fundit, paralajmëron UNICEF disa vende janë në prag të një epidemije.