Benazir Bhutto ka qenë pjesë e dinastisë politike. Këtu ajo ka dalë me ministrin e jashtëm të Indisë në 1972 në Simla, ku i ati i saj, presidenti Zulfikar Ali Bhutto u takua me Indira Gandhin e Indisë.

Zonja Bhutto në vitin 1977, pak pasi përfundoi studimet në Universitetin e Oxford-it. E lindur më 1953 në provincën Sindh, me pas ajo ndoqi studimet në Harvard.

Zonja Bhutto ka qenë kryeministre e Pakistanit dy herë. Mandati i parë në detyrë nga viti 1988 në 1990 përkon dhe me vitet e qeverisjes së ish kryeministres britanike Margaret Thatcher.

Gjatë dy mandateve në pushtet, roli i bashkëshortit të zonjës Bhutto, Asif Zardari, ka qenë tepër kontradiktor pasi ai është akuzuar se ka vjedhur fondet shtetërore, akuza që ai i ka mohuar.

Benazir Bhutto në 1991 gjatë regjimit të ish rivalit Nawaz Sharif. Ajo u rrëzua nga posti më 1990 pas akuzave për korrupsion, por kurrë nuk u gjykua.

Zonja Bhutto u rizgjodh në vitin 1993 dhe shërbeu si kryeministre deri në 1996, por përsëri u shkarkua pas akuzave për korrupsion.

Ajo qëndroi në Pakistan deri në 1999, por më pas u largua për të jetuar jashtë vendit, ndërkohë që mjaft pyetje u ngritën rreth pasurisë së saj dhe burrit të saj

Zonja Bhutto vendosi të izolohej në mërgim pasi Pervez Musharaf mori pushtetin në 1999. Por ajo gjithnjë ka planifikuar për t'u kthyer. Këtu ajo është takuar me Nawaz Sharif në Londër më 2006.

Më në fund në tetor 2007, ajo hipën në një avion nga Dubai në Pakistan për të marrë presidencën nga gjenerali Musharaf.

Pak me vonë, ajo i mbijetoi sulmeve me bombë ndaj autokolonës së saj në qytetin jugor Karachi, ku mbetën të vrarë më shumë se 100 vetë.

Por zonja Bhutto tha se nuk do të lëkundej dhe vazhdoi fushatën për rivendosjen e demokracisë, dhe për të fituar postin e kryeministres për herë të tretë.