Në BERZH mendojnë se kjo është rezultzat i disa faktorëve, si mosprekja e drejtpërdrejtë nga zhvillimet ekonomike globale, stabiliteti makroekonomik dhe politikat e kujdesshme financiare.

Në të njëjtën kohë, vlerësohet se ndërsa bizneset e vogla janë shtylla kurrizore e ekonomisë shqiptare, vendi ka mbetur pak prapa në zhvillimin e potencialit që ka për eksport.

Zhvillimi ekonomik i Shqipërise gjate vitit 2010, ka qenë një ndër temat më të debatueshme të politikës shqiptare.

Maxhoranca e djathtë e ka cilësuar si një vit të suksesshëm, pavarësisht krizes ekonomike boterore, ndërsa opozita e majtë thotë se ky vit e përkeqësoi më tej ekonominë dhe gjendjen e shqiptarëve.

Me vlerësime kontradiktore edhe për vitin 2011 shprehen deputeti i Partisë Demokratike, Sybi Hida, dhe ai i Partisë Socialiste, Arben Ahmetaj, në bashkëbisedimin e organizuar në studion e BBC-së në Tiranë.

Dëgjoni materialin e përgatitur nga Fatos Ahmati

Komentet tuaja

Çfarë mendoni për situatën ekonomike në Shqipëri dhe vlerësimet kundërthënëse për të të maxhorancës dhe opozitës?

Na shkruani duke plotësuar formularin në të djathtë të po kësaj faqeje!