Notes for teachers on a Gaelic language geography resource about borders in Poland.

Crìochan

Clô-bhualadh


Tha an sgrùdadh seo a' rannsachadh nan diofar sheòrsachan chrìochan a tha anns an t-saoghal, bho chrìochan ionadail a tha a' sgaradh cheàrnaidhean gu crìochan nàiseanta a tha a' cur rìoghachdan air leth bho chèile. Tha an sgrùdadh a' rannsachadh mar a dh'fhaodadh crìochan a bhith a' cuideachadh ann a bhith a' tuigsinn barrachd mu chànan agus fèin-aithneachadh - na tha gar dèanamh eadar-dhealaichte bho chèile.

Tha an sgrùdadh stèidhichte anns a' Phòlainn, dùthaich a tha air ballrachd fhaighinn san Aonadh Eòrpach agus a dh'fheumas ath-mheasadh a dhèanamh air a crìochan fhèin.

Tha cruinneachadh de bhidiothan goirid anns an sgrùdadh agus gheibhear thuca le bhith a' cliogadh air na h-ìomhaighean san àrainneachd. Tha iad seo air an dearbhadh air a' chlàr gu h-ìosal. Tha fo-thiotalan an lùib gach bhidio. Tha gach bhidio a' coimhead ri diofar chrìochan agus tha iad air an lìbhrigeadh le daoine òga às a' Phòlainn.

Tha cuspairean ris am bheilear a' coimhead anns na bhidiothan a tha seo a' gabhail a-steach:

Eisimpleir de bhaile air a sgaradh ann an dà leth le crìoch nàiseanta. Tha leth den bhaile sa Phòlainn agus an leth eile ann am Poblachd nan Seic.

Eisimpleirean de sheann chrìochan nàiseanta nach eilear a' cleachdadh airson dearbhadh gun urrainn do chrìochan a bhith ag atharrachadh rè ùine.

Eisimpleir de chrìoch ionadail a tha a' cur air leth dà choimhearsnachd a tha ri taobh a chèile ach a tha eadar-dhealaichte.

A' rannsachadh mar a tha crìochan a' cuideachadh ann a bhith a' sònrachadh cànan agus cultar.

Tha cruinneachadh eile ann de thrì bhidiothan goirid a tha a' toirt eisimpleirean bho air feadh an t-saoghail de dhiofar sheòrsachan chrìochan. Tha iad air an dealbh gus beachd nas fharsaing a thoirt air a' chuspair. Gheibhear thuca le bhith a' cliogadh air ìomhaigh an t-saideal air an sgrion.

CUSPAIRBHIDIOTHANCOTHROMAN ÈUSTEACHD
Crìochan
  • Thig agus faigh a-mach tuilleadh mu chrìochan air feadh an t-saoghail
  • Crìochan nàdarra mar beanntan 's aibhnichean agus crìochan poilitigeach, crìochan nàiseanta agus crìochan ionadail. Sùil air adhbharan feumail airson crìochan - gar cuideachadh a' tuigsinn cò sinn is mar a tha sinn eadar-dhealaichte bho dhaoine eile; cànanan agus cleachdaidhean

  • Thig agus faigh a-mach tuilleadh mu chrìochan air am bi sinn uile a' dol tarsainn tric
  • An EU. A' Phòlainn a-nis mar phàirt den EU agus a' bhuaidh a tha aige seo air an dùthaich

  • Thig agus faic cuid de na daoine a choinnicheas riut anns a' Phòlainn
  • Cuid de na buannachdan a tha an lùib a bhith mar phàirt den EU

  • Faigh a-mach tuilleadh mu chrìoch bhaile anns a' Phòlainn
  • Sùil air Cieszyn anns a' Phòlainn a tha air a' chrìoch le Poblachd nan Seic. Tha aon phàirt dheth sa Phòlainn is a phàirt eile ann am Poblachd nan Seic.

  • Faigh a-mach tuilleadh mun chrìoch ann an Cieszyn
  • Barrachd fiosrachaidh mu bhaile Ciesnyn agus na tha an lùib a bhith a' tadhal air Poblachd nan Seic às an sin

  • Faigh a-mach tuilleadh mu eachdraidh agus crìochan na Pòlainn
  • A' coimhead air Zabrze. Sgeulachd inntinneach Zabrze a thaobh a chrìochan - air a sgaradh ann an dà leth, leth den bhaile sa Ghearmailt agus an leth eile sa Phòlainn

  • Thig agus faigh a-mach mu chrìoch ionadail a tha a' roinn dà bhaile glè eadar-dhealaichte
  • Sùil air dà bhaile a tha air an sgaradh le drochaid agus far nach eil na daoine a' faighinn air adhart

  • Faigh a-mach tuilleadh mu chànan na Pòlainn
  • An cànan Polski agus cànanan cudromach eile san Aonadh Eòrpach

  • Faigh a-mach tuilleadh mu sheann chrìochan bho eachdraidh na Pòlainn
  • Mar is urrainn do chrìochan atharrachadh agus gur ann as dèidh an dàrna cogaidh a-nochd a' Phòlainn mar a tha i an-diugh

  • Coimhead na bhidiothan seo agus faigh a-mach tuilleadh mu chrìochan eile air feadh an t-saoghail
  • Bhidio 1 - Crìoch eadar na Stàitean Aonaichte agus Meagsaco, a' chrìoch eadar-nàiseanta as motha air am bheil daoine a' dol tarsainn. Cuid a' gluasad gu laghail agus cuid eile gu mì-laghail. Sùil air trioblaidean muinntir Mheagsaco
  • Bhidio 2 - Sùil air Cìoprais, far a' bheil crìochan taobh a-staigh na dùthcha fhèin le ceanglaichean làidir ris an Tuirc no ris a' Ghrèig
  • Bhidio 3 - Thig agus faigh a-mach tuilleadh mu na dùthchannan Basgach far a bheil crìochan nàdarra ann le beanntan agus far a bheil cultar eadar-dhealaichte air èirigh

Cluinn tuilleadh mun Phòlainn agus a crìochan bho Phòlainneach (airson EU)

Cluinn tuilleadh mun Phòlainn (an aghaidh EU)

Thig gu crìoch ann an Zabrze agus cluinn tuilleadh mu chrìochan coimhearsneachd

Thig a Cieszyn agus cluinn beachd aon de mhuinntir an àite air crìochan

Thig a Cieszyn agus cluinn beachdan eile bho mhuinntir an àite mu chrìochan



Copyright © 2015 BBC.Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.