Israa'el Libaanositti eddoo Hezbollaan buufate erga haleelteen booda amma buufataalee misoomaa Huutii Yeman keessaa haleelluu himte

Haguuggii Tamsaasa Kallattii

1. 6 Onkololeessa 2024Kibba Beerut keessatti aarri haleellaan wal qabatu mul'ate .

   Gabaasni Israa'el naannoo kibba Beerut irratti haleellaa raawwaachuu hin oolle jedhamee shakkamu BBC ga'eera.

   Namoonni ijaan argan gamoowwan irratti aarri ol ba'ee mul'chuu arguu isaanii gabaasaa jiru jedha dhaabbati oduu Rooyitars.

   Suuraa mul'atu kan Rooyitars tamsaasa kallattin naannoo kibba Beerut irraa tamsaasurra kan fudhatame aarri haleellaan wal qabatu mul'achuu agarsiisa.

   Waraanni Israa’el taatee kana ilaalchisee hanga ammaatti yaada hin kennine. Odeeffannoo kanaaf kanneen biroo tamsaasa kallattii keenyaan hordoofneee isin biraan geenya.

2. 29 Fuulbaana 2024Hezboollaan Libaanos keessatti deeggarsa ykn mormii hangam qaba?

3. 29 Fuulbaana 2024'Iddoon kamiyyuu fagoo miti' jedha ministirri ittisaa Israa'el

   Ministeera Raayyaa Ittisaa Israa'el, Yoo'av Gaallaant irraa ammaan tana ibsa argannee. Isaanis ibsasaanitiin: "Kutaa ajajaa fi to'annoo Humni Qilleensaa Israa'el (IAF) daawwadheera, achitti haleellaa dhaabbata shororkeessummaa Huutii irratti gaggeeffame hordofeera," jedhan.

   "Ergaan keenya ifaadha - innis, nuuf bakki kamiyyuu fagoo miti," jedhan

4. 29 Fuulbaana 2024Dho'iinsa guddaa buufata Yeman kana dowwadhaa!

   Haleellaa Israa’el buufata doonii Yeman Hodeyidaah irratti raawwatte kan agarsiisu viidiyoo fi suuraawwan hedduun miidiyaa hawaasaa irratti maxxanfamaniiru.

   BBCn bakkaa fi yeroo viidiyoon kun itti dhohinsa guddaa buufata doonii irratti mul'atu armaan gadii mirkaneessuu danda'eera.

   Israa’el bu’uuraalee misoomaa Yeman rukutuuf xiyyaarota kudhan hedduutti fayyadamaa jirra jetti. Akkasumas bakkeewwan meeshaaleen waraanaa Iraan gara naannichatti galfamuu danda’an irratti xiyyeeffachuusheefi haleellaa Huutii Israa’el irratti raawwatamuuf deebii kennaa akka jirtu dubbatti.

   Misaa'eloonni Yeman irraa gara Israa'elitti dhukaafaman gaafa Jimaataa fi Sambataa fashaleeffamanii ture.

5. 29 Fuulbaana 2024Amma nu gahe, Haleellaa Israa’el naannoo magaalaa Siidonitti raawwateen namoonni 24 ajjeefaman- Min. Fayyaa Libaanus

   Guyyaa guutuu gabaasa haleellaa Israa'el bakka adda addaa Libaanos keessatti raawwatte isin biraan gahaa turreerra. Israa'el buufataalee Hezbollaa irrattan xiyyeeffadhe jirti jetti.

   Ministeerri fayyaa Libaanos saa'aatii muraasaan dura akka jedhetti, haleellaa Israa'el magaalaa Siidoon naannoo Ain al-Delb irratti raawwatteen namoonni 24 ajjeefamanii, 29 ammoo madaa’aniiru.

   Siidoon gara walakkaa daangaa Israa’el fi Libaanos akkasumas magaalaa guddoo Libaanos ykn Beerut gidduutti argamti.

   Isaan dura ammoo miidiyaaleen Libaanos, kaaba baha Libaanos, ZIboud keessatti miseensoota maatii tokko kan ta'an namoonni 17 ajjeefamuu gabaasanii ture.

6. 29 Fuulbaana 2024Israa'el buufata humna aannisaa fi buufata galaanaa Yeman haleeluu ibsitei

   Waraanni Israa'el (IDF) ibsa dabalataa haleellaa Yaman irratti raawwatame ilaalchisuun toota X irratti maxxanseen, "oppareeshinii qilleensaa bal'aa har'a gaggeesseen, jeettiiwwan waraanaa, kanneen boba'aa guutanii fi xiyyaarota basaasaa dabalatee. xiyyaaronni humna qilleensaa kudhanootaan lakkaa'aman... bakka waraanaa mootummaa shororkeessummaa Huutii kan naannoo Raas Issaatti fi kan Yeman keessaa Hodeidah jedhamu haleelamu beeksiise.

   "IDF warshaalee humna elektiriikaa fi buufata galaanaa, kanneen boba'aa biyya alaatii galchuuf oolu haleele."

   Itti dabalunis Israa’el bu’uuraalee misoomaa meeshaa waraanaa Iraan geejjibuuf itti fayyadaman haleeluu dubbatti.

   Raayyaan Ittisa Israa’el (IDF) Yeman keessatti bu’uuraalee misoomaa fi buufata doonii meeshaalee waraanaa Iraan gara naannichaatti geejjibuuf itti fayyadamaa jira jedhe haleeluu hima.

   Haleellaan kunis ''haleellaa dhiheenya kana'' Huutiidhaan Israa'el irratti raawwatameef deebii kennuuf akka ta'e IDF beeksiseera.

   Huutiin misaa'el fashaleeffame guuyyaa Jimaataa darbe giddugala Israa’el irratti dhukaafamuuf ture duba jiraachu himunsaa ni yaadatama.

   Hanga ammaatti miidhaa haleellaa Yeman irratti raawwatameen qaqabe hin beekamnu.

7. 29 Fuulbaana 2024US akeekkachiisa yeroo gabaabaatiin humoota bobbaasuu dandeenya jette

   Peentaagan ibsa baaseen Ameerikaan ''ajaja gabaabduudhaan dandeettii humna waraanaa bobbaasuu qabdi,'' jedhe.

   Iraanii fi michoonni ishee naannichaa hidhachuun socho'an akka wlaitti bu'insicha hin babal'isnee fi michoota Ameerikaa tiksuuf qophiidha jedhan.

   Ministirri Ittisaa US, Looyid Oostiinii fi dippaartimantiin humna ittisaa US, ''lammiilee US naannicha keessaa, Israa'elii fi michoota isaanii ittisuu irratti xiyyeeffachuu'' himan.

   Ibsa isaanii keessatti humnoota Iraanii fi Iraaniin deeggaraman qolachuu fi karaa dippolomaasii xumuruuf qophii tahuu himan.

   Kana gidduutti dubbii himaan Waayit Haawus, haalli waraana Israa'el, Hezbollaa fi Iraan kun haala buqqaatota Israa'el Kaabaa qe'ee isaanii deebisuu kan hordofe miti jedhan.

   Joon Kirbii CNNtti yoo dubbatan, ''dheekkamsi Teeraan dhagahamaa akka jiru ilaalaa jirra. Waan tahuuf deemuu fi maal akka godhan callisneetuma hordofaa jirra'' jedhan.

   Itti dabaluun deeggarsi Ameerikaan Israa'eliif taasiftu waan takkaa adda citu miti jedhan.

   Israa'el haleellaa kana jalqabuun duras kaayyoon isaan Hezbollaa haleeluu barbaadaniif buqqatota kaaba biyyattii sababa rokkoottii Hezboollaan achii bahan qe'eetti deebisuu akka tahe ibsiteetti.

   Iraan haleellaa Israa'el kana haaloo bahachuuf dhaadatteetti. Hogganaa olaanaa Iraan Ayatolaa ALii Kamenii nageenya isaaniif jecha bakka jiraataa turan jijjiirrataniiru.

8. 29 Fuulbaana 2024Israa'el waraana Hezbollaa irratti bante dhaabuu hin barbaaddu

   Israa'el waraanaa Hezboollaan Libaanos keessa irratti gaggeessitu dhaafuu fdhii kan qabdu hin fakkaatu.

   Ministirri mummee Israa'el Beeniyaamin Netaaniyaahuun kokkee milishaa Iraaniin deeggaramuu irratti, akka ejjetan amanuun haleellicha itti fufaa jira.

   Ummanni Israa’el's waraana Gaazaa caalaa duula amma Hezbollaa irratti gaggeeffamaa jiru irratti tokkummaan dhaabbachuun deeggaruun isaa baay’ee gochaa jira.

   Waraanaa Gaazaa irratti Israa’eloonni hedduun mootummaan Hamaas waliin waliigaltee dhukaasa dhaabuu taasiisuudhaan booji’amtoota gadhiisuuf dursa kennuu akka qabu itti dhaga’ama.

   Tarkaanfiin ittaanun Israa’el loa lafoo kibba Libaanos keesatti banuu ykn dhiisuu ilaalchisee tilmaama hedduutu gaggeeffamaa jira. Gara daangaatti waraana ergaa tureera.

   Haata'u malee, haleellaan lafoo lubbuu loltoota Israa’el waggaa tokkoof Gaazaa keessatti loluu erga eegalanii as, amma dadhabuun baasuu hin oolu.

   Akkasumas weerara kanaan duraa, Israa'el bara 2006tti taasiisteen, yaaddoo Hezboollaa dhabamsiisuu hin dandeenyee ture.

9. 29 Fuulbaana 2024Amma nu gahe, Israa'el Narsallaa waliin qondaaltoota olaanoo Hezbollaa biraa 20n ajjeesse jette

   Israa'el haleellaa qilleensaa Jimaata darbe waajjira mummee Hezbollaa irratti raawwachuun ittiin hogganaa garichaa Hasan Nasrallaa ajjeefteen, qondaaltoota olaanoo garichaa gulantaa adda addaarratti argaman kan biraa 20s ajjeessuu beeksiifte.

   Kanneen ajjeeffaman jedhamuun maqaansaanii eerame keessaa tokko, Alii Kaarkaarii, dursaa adda waraanaa Kibbaa ni argamu.

   Waraanni Israa'el akkasumas dursaa garee tikaa Nasrallaa kan ta'e Ibraahiim Huseen Jaaziinii fi kan waraanichi ''amanamaafi gorsaa Nasrallaa baroota dheeraati'' jechuun ibse, Saamiir Taawfiiq Diid keessatti argamu jedhe.

   Waraanichi itti dabaluudhaan, waajirri mummee Hezbollaa gamoowwan mana jireenyaa namoota nagaa hedduu jalatti kan bu'uurreeffame ture jedhe.

   Oduu gara biraatiin ammoo, Hezboollaan haleellaa qilleensaa Israa'eel guyyaa Sambataa raawwatteen, Naabil Qaa'ouk, itti gaafatamaa mana maree nageenya ittisaa Hezbollaa fi miseensa ijoo mana maree giddugaleessaa isaa,ajjeeffamu mirkanneesse.

   Taatee kanas Israa'el kaleessa xiyyaarota waraanaasheetiin ajjeessuu IDF ibsee ture

10. 29 Fuulbaana 2024Namni warqee dheedhii Yuuroo mil. 1.4 baasuufi kaan manasaatti argame himatame

    Poolisiin Rippabiliika Ayerlaanditti sakatta’iinsa guyyoota lamaaf gaggeesseen warqee dheedhii, maallaqaa fi kookeeyinii ta'un waan shakkame erga to’atee booda nama tokko himatame.

    Namni umriinsaa waggaa 50 keessa jiru kunis, Wiixata boruu gaafa Fulbaana 30 mana murtii Dabliinitti dhiyaata jedhamee eegama.

    Sakatta’iinsi kunis Kamisaa fi Jimaata darbe ture kan naannoo mana jireenyaa fi daldala naannoo Dabliin keessatti raawwatame.

    Poolisiin warqee gatiinsaa Yuuroo miiliyoona 1.4 (£1.2m) baasuu, maallaqa callaa Yuuroo kuma 460 (£384,000) fi kookeenii ta'u kan shakkame fi Yuuroo kuma 210 (£175,000) baasuu argateera.

    Qorichoonni kunneen xiinxala dabalataaf kan ergaman yoo ta'u, qorannoon itti fufee jira jedhameera.

11. 29 Fuulbaana 2024Namooonni miliyoona tokkoo buqqaafamuu danda'u- MM Libaanos

    Ministirri Mummee Libaanos Naajiib Miikaatii, dhihenya kana wayita gaazexessitoota dubbataniitti, haleellaan Israa'el tibbana raawwatte ''namoonni baayyeen bakka jireenyaasaanii irraa akka buqqaa'an gochuudhaan'' waan biyyattiin kanaan dura agartee hin beekne uumuu danda'a jedhan.

    MM kuni battaluma walgahii ariifachiisaa kaabinee gaggeessaniin yeroo muraasa booda, "Lakkoofsi namoota qe'eesaanii irraa buqqa'anii... miliyoona tokko gahuu danda'a," jechuun gaazexeessitootatti hima.

    Miitaaki akka jedhanitti, namoonni hedduun kibba Libaanos fi naannoo gammoojjii Bekaa irraa gara bahaatti baqataa jiru. Itti dabalunis, ''buqqaatii guddaa'' ta'uu akka danda'u kan himan yoo ta'u, namoonni buqqa'an hedduunsaanii garuu lammii Libaanos akka hin taane dubbatan.

    Yaadni isaa kun kan dubbatan Dhaabbanni nyaataa Dhaabbata Biyyoota Gamtoomanii namoota hanga miliyoona tokko ta'uf gargaarsa kennuuf oppareshinii hatattamaa eegaluu isaa bakka ibsutiidha.

    Itti dabaluunis, MM Libaanos Najib Mikati dhukaasa dhaabuu nan ''simadha'' jechuun ibsa gaazexeessitootaaf kennaniin dubbachuun, yaaliin akkanaa yoo itti fufe ammoo Gaazaa fi Libaanos lamaan irrattu hojiirra oolfamu qabaata jedhan.

    Waldhabdee daangaa qaxxaamuraa Israa'el waliin jirutti xumura gochuu ilaalchisee wayita gaafatamaniittis, ''filannoo dippilomaasii malee filannoon biraa hin jiru'' jedha.

12. 29 Fuulbaana 2024Ani Peep'n baay'ee jaaladha, namatu walitti nu buusuuf yaalaa jira

13. 29 Fuulbaana 2024Hezbollaan du'a ajajaasaa biraa mirkaneesse

    Hezboollaan ammaan tana ajjeeffamuu Alii Karaakii, kan ajajaa garee adda kibbaa ture mirkanneesse.

    Kunis ibsa Waraanni Israa'el (IDF) kaleessa, "haleellaa xiyyeeffannaa" ittiin Nasrallaa ajjeeseen qondaalli Hezbollaa gara biraas waliin ajjeeffamu isaa dubbachuu hordofeeti.

    Gareen Iraan deeggaramu Hezbollaan amma du'a Karaakii karaa toora Telegramitii mirkaneesse.

    Gama biraatiin ammoo, Israa'el waraannii ishee Daahii'eh, bakka gareen Hezboollaa deeggartoota cimaa itti qaburratti haleellaa haaraa banuu beeksiste.

    Maddi oduu AFP, gabaastonni isaa dhohiinsa cimaa fi isaan booda ammoo naannicharraa aarrii yeroo ol ka'u arganiiru jedhe.

14. 29 Fuulbaana 2024Reeffii Hasan Nasrallaa baafamuu Riipoorta gabaase

    Dhaabbanni oduu Rooyitars akka gabaasetti, reeffi Hasan Nasrallaa kibba Beeruuti bakka haleellaan qilleensaa keessatti raawwatame irraa argame.

    Madda hospitaalootaa fi madda nageenyaa wabeeffachuudhaan Rooyitars akka gabaaseetti, reeffi Narsallaa ''kallatiidhaan madaa'' akka hin qabne dubbata.

    Hezbollaan du'a hogganaasaa Hasan Nasrallaa kaleessa mirkaneesse ture.

    Kun kanaan osoo jiruu Israa'el haleellaa Kibba Beerut iddoo mandhee Hezbollaa jettu irratti haleellaa gaggeesitu har'as cimsitee itti fufuu beeksifte.

    Magaalittiin amma akka malee mancaatee akka jirtu miidiyaaleen gabaasaa jiru.

15. 29 Fuulbaana 2024Mariin dhukaasa dhaabuu ammalleen 'adeemaa jira'- Ministira Libaanos

    Ministirri Odeeffannoo Libaanos, walgahii kaabinee mootummaa waliin taasisaniin, Israa'el waliin dhukaasa dhaabuuf tattaaffiin dippilomaasii ammallee ''adeemaa jira'' jedhan.

    Sunis haleellaa cimaa torban kana keessa Israa’el Beerut keessatti raawwachuudhaan, hogganaa Hezbollaa Hasan Nasrallaa ajajoota olaanoo biroo waliin ajjeesuu ishee hordofeeti.

    Israa’el waamicha dhukaasa dhaabuu kanaan dura taasifaman, kan yaada guyyoota 21'f akka dhukaafni dhaabbatuuf Ameerikaa, UK fi Gamtaan Awurooppaa Kibxata darbe dhiyeessan dabalatee, hin fudhanne ture.

    Ministirri Muummee Libaanos, Naajib Mikaatiinis torban darbe gabaasaalee yaada dhukaasa dhaabuu mallatteessan jedhan, “guutummaatti dharadha” jechuun kuffisanii ture.

16. 29 Fuulbaana 2024Hezbollaa, Israa'elii fi Iraan taatee kanatti aansee tarkaanfii akkamii fudhatu?

17. 29 Fuulbaana 2024Dhaabbanni nyaataa UN Libaanos keessatti hojii hatattamaa eegale

    Sagantaan Nyaata Addunyaa (WFP) rijinicha keessatti namoota hanga miliyoona tokkootiif gargaarsa raabsuuf Libaanos keessatti oppareshinii yeroo balaa tasaa jalqabe.

    “Dhuma torbee kanaarratti walitti bu’iinsi kun daran hammaachunsaa deebii namoomaa hatattamaa kennuu akka barbaachisu hubachiiseera,” jedha ejensichi ibsa baaseen.

    Hanga kaleessaatti namoonni Libaanos keessaa buqqa’an kuma 200 ol ta’uu Koomishinara Olaanaan Baqattootaa Dhaabbata Biyyoota Gamtoomanii ibseera.

    Dhaabbanni nyaataa kun, guyyoota darban keessa namoota 66,000 ol gargaareera jechuudhaan, namoota buqqa'uun biyyattii guutuutti dahannoo keessa jiraniif ammoo nyaata qophaa'e, daabboo, nyaata ho'aa fi paaspoortii nyaataa akka raabsu dubbata.

    Daarektarri biyyaa dhaabbata kun, Maatewoos Hoolingwort akka jedhanitti, dhaabbatichi ''deeggarsa maallaqaa fi nyaataa walitti makuun namoota hanga miliyoona tokkoo ta'anii gargaaruuf qophaa'aa jira.

18. 29 Fuulbaana 2024Israa'el qondaala Hezbollaa olaanaa biraa ajjeesuu ibsite

    Raayyaan Ittisa Israa’el (IDF) haleellaa Samabta darbe Libaanos irratti raawwateen qondaala olaanaa Hezbollaa ajjeesuu ibseera.

    Naabil Qaa'ouk. itti gaafatamaa mana maree nageenya ittisaa Hezbollaa fi miseensa ijoo mana maree giddugaleessaa ture, haleellaa xiyyaarota waraanaatiin kaleessa ajjeefamuu IDF ibsa baaseen beeksiseera.

    Hezbollaan hanga ammaatti ajjeeffamuu Qaa'uk ilaalchisee yaada tokkollee hin kennine.

    IDFn Qaa'uk kan gulantaa Hezbollaa ''olaanaatti dhihoo'' ture, jechuun ibsuun, itti dabaluun, ''kallattiidhaan shira shororkeessummaa Israa'elii fi lammiilee ishee irratti babal'isuu irratti bobba'ee jira'' jedheera.

19. 29 Fuulbaana 2024Wal'aansa qaama teessumaa guddifachuu du'aaf nama saaxilu 'BBL' jedhamu

20. 29 Fuulbaana 2024Ajajaan Humna Eegdota Warraaqsa Islaamaa Iraan ajjeefamuu mirkanaa'e

    Humni Eegumsa Warraaqsaa Islaamaa Iraan, ajajaa ittaanaan isaa, Birgeder Jeneraal Abbaas Nilforuushaan Libaanos keessatti ajjeefamuu mirkaneesse.

    Birgeder Jeneraal Abbaas Nilforuushaan haleellaa qilleensarraa Israa'el Fulbaana 27 Libaanus keessatti raawwatteen ajjeefaman.

    ''Yakka bulchiinsa Zaayinistii'' jechuun balaaleffachuurra kan darbe haaloo bahachuu ilaalchisee waan jedhe hin qabu.

    Yeroo hogganaan Hamaas Ismaa'el Haniyaa, Teeraan keessatti ajjeefamu haloo bahachuuf dhaadatee ture.

    Ajajaan Humna Eegdota Warraqsa Islaamaa Iraan kun Libaanos, Iraaqii fi Sooriyaa keessatti gorsaa humnichaa tahuun akka hojjetaa turan himan.

    IRGC du'a ajajaa isaan gadda itti dhagahame ibsuun Iraan tiksuu fi humnoota tokkummaan dhaabatan keessatti shoora olaanaa qabaachuu isaa ibse.

    Kana dura hogganaa Humni Eegumsa Warraaqsaa Islaamaa Iraanii fi ajajaa yeroofii waajjira olaanaa Imaam Hoseen tahuun tajaajileera.

    Dhaabbanni Imaam hoseen kun humna warraqsa biyyattii leenjisuun kan bobbaasudha.