Nǹkan yàn!!! Àwọn agbábọ́ọ̀lù kan nínú ikọ France tí bẹ̀rẹ̀ àárẹ̀ ṣáájú ìpèlé àṣékàgbà

Ìgbóhùnsáfẹ́fẹ́ tí ń lọ lọ́wọ́

Yetunde Olugbenga and Busayo James-Olufade

1. 18 Ọ̀pẹ̀̀ 2022Wó iye owó tí ẹgbẹ́ agbábọ́ọ̀lù tó bá gbà ìdíje ife ẹ̀yẹ àgbáyé yóò gba

   

   Oríṣun àwòrán, BBC Sport

   Orilẹede mejilelọgbọn lowa si idije ife ẹyẹ agbaye lorilẹede Qatar lati koju arawọn fun ife to tobi julọ ni agbaye ninu ere bọọlu

   Ko ki n ṣe iyi nikan lo wa nibi idije yii, ọpọlọpọ anfani lo tun wa nibẹ paapa owo ti onikaluku yoo ni anfani lati gba lẹyin idije naa.

   Elo ni ẹgbẹ agbabọọlu to kopa idije ife ẹyẹ agbaye Qatar 2022 yoo gba?

   Ẹgbẹ agbabọọlu to ba gba ife ẹyẹ agbaye yoo ni anfani lati gba owo to to milọnu mejilelogoji owo dọla. Owo yii lo le ni milọnu mẹrin si ti idije ife ẹyẹ agbaye ti ọdun 2018 lorilẹede Russia.

   Afikun maa de ba owo ti ẹgbẹ agbabọọlu to gbe igba oroke lọdun ti idije ife ẹyẹ agbaye ba waye .

   Wo bii wọn yoo ṣe pin owo fun awọn ẹgbẹ agbabọọlu to kopa ninu idije ife ẹyẹ agbaye lorilẹede Qatar

   Ipo Owo ti wọn yoo gba (USD)

   Ipo kini : $42m

   Ipo keji: $30m

   Ipo Keta $27m

   Ipo kẹrin $25m

   Ipele awọn mẹjọ (Quarter-final) $17m

   Ipele oni mẹrindinlogun (last 16) $13m

   Ipile ẹkun kọkan(Group stage) $9m

2. 17 Ọ̀pẹ̀̀ 2022Nǹkan yàn!!! Àwọn agbábọ́ọ̀lù kan nínú ikọ France tí bẹ̀rẹ̀ àárẹ̀ ṣáájú ìpèlé àṣékàgbà

   

   Oríṣun àwòrán, others

   Awọn agbabọọlu kan ni ikọ France ni wọn ti bẹrẹ airẹ ni siṣe, to ṣeṣe pe ki wọn maa ni anfani lati kopa ninu igbaradi to n lọwọ fun ipele aṣekagba idije ife ẹyẹ agbaye ti orilẹede Qatar.

   Gẹgẹ bii ajọ to n mojuto ere bọọlu lorilẹede France ṣe kede. Wọn ni Rapheal Varane ati Ibrahima Konate ti darapọ mọ awọn to ṣe airẹ.

   Dayot Upamecani ati Adrien Rabiot nọn ko ni anfani lati kopa ninu ifẹsẹwọnsẹ Semi Final pẹlu ikọ Morocco nitori wọn ṣe airẹ.

   Awọn agbabọọlu ti wọn ti n gba itọju. ti wọn sọ nilo lati da wa ninu yara wọn fun iyasọtọ.

   France yoo ma koju ikọ Argentina ni ipele aṣekagba idije ife ẹyẹ agbaye lọjọ Aiku ọsẹ to n bọ.

   “Awọn to ṣe aarẹ laarin wọn ti n gba itọju, awọn dokita ti yọju siwọn.” Kolo Muani lo salaye bẹẹ̀.

   Ousmane Dembele ni ẹru ko ba ikọ France rara latari bi diẹ lara awọn agbabọọlu wọn ṣe n ṣe aarẹ saaju ifẹsẹwọnsẹ pẹlu ikọ Argentina

   “Lakọ la wa!, ti a si ṣetan lati bori ikọ Argentina.”

   Akọnimọgba Didier Deschamps ni oun ni igbagbọ pe Upamecano ati Rabiot yoo pada sinu ikọ ti wọn ti gba ifẹsẹwọnṣe aṣekagba.

3. 15 Ọ̀pẹ̀̀ 2022Àlù súnkún ni France lù Morocco láti wọ ìpèlé àṣékàgbà World Cup

   

   Oríṣun àwòrán, Getty Images

   Ikọ ẹgbẹ agbabọọlu orilẹede France bori ikọ ẹgbẹ agbabọọlu Morocco lana pẹlu ami ayo meji si odo lati wọ ipele aṣekagba nibi ti wọn yoo ti maa koju ikọ orilẹede Argentina.

   Morocco ni orilẹede adulawọ akọkọ ti yoo wọ ipele Semi Final sugbọn France yari pe awọn ko tii ṣetan, ti wọn si fi ikanra jẹ Morocco niya.

   Ni abala akọkọ ni Morocco ti padanu ọkan lara atamataṣe wọn, Nayef Aguerd, sọwọ sisẹṣe nibi ifẹsẹwọnsẹ naa, to si so ku fa bi France ṣe kọkọ mii awọn, eyi ti Theo Harnandez gba wọle.

   Abala keji ni Randal Kolo Muani ti mi awọn fun igbekeji fun ikọ France, eyi to si gba omije loju awọn ikọ ẹgbẹ agbabọọlu Morocco.

   Lọsẹ to n bọ, France yoo maa wako pẹlu ikọ Argentina ninu ipele aṣekagba idije ife ẹyẹ agbaye.

4. 14 Ọ̀pẹ̀̀ 2022Messi fí Croatia sọ òkò àsètánì lànà

   

   Oríṣun àwòrán, Getty Images

   Bii o ṣe jẹ ohun iyalẹnu fun ololufẹ ere bọọlu kan ni awọn miiran koroju si atamataṣe ọmọ ilẹ Argentina, Lionel Messi ati awọn akẹgbẹ rẹ ṣe fi ikọ ẹgbẹ agbabọọlu orilẹede Croatia sọ ọkọ aṣetani ninu ifẹsẹwọnsẹ ipele 'Semi Final'.

   Ami ayo mẹta si odo ni wọn fi ki Croatia pe o di gba lati wọ ipele aṣekagba ife ẹyẹ agbaye to n lọ lọwọ lorilẹede Qatar.

   Messi mi awọn, to si tun ṣe iranwọ fun akẹgbẹ rẹ, Alavez.

   Ni bayii, orilẹede Argentina yoo ma koju ẹmi to ba bori laarin ikọ agbabọọlu France ati Morocco ni asalẹ oni.

   Messi lo kọkọ mi awọn pẹlu pẹnariti lẹyin ti amule Croatia, Dominik Livakovic kọlu agba ọwọ iwaju Argentina Alvarez.

   Ko pe si igba ti Mẹssi mi awọn ni Alvarez tun lo ọgbọn inu fun awọn igba ọwọ ẹyin Croatia, to si mi awọn keji.

   Abala keji ni Messi ati Alvarez ti jọ fọwọsowọpọ lati fi orilẹede Croatia sọ oko aṣetani, ti wọn si wọ ipele aṣekagba idije efe ẹyẹ agbaye.

5. 28 Bélú 2022Ẹ̀ wo bí Morocco ṣe fí àgbàdo háà ya Belgium lẹ́nu pẹ̀lú àmì ayò 2-0

   

   Oríṣun àwòrán, Getty Images

   Ikọ agbabọọlu Morocco ti ya awọn oluworan lẹnu ni idije ife ẹyẹ agbaye to n lọ lọwọ ni Qatar.

   Eyi ko ṣẹyin bi wọn ṣe lu ikọ agbabọọlu Belgium ni alubami pẹlu ami ayo meji si odo.

   Ohun to ya awọn eniyan lẹnu ni pe ifẹṣẹwọnṣẹ naa tilẹ ti fẹ pari ki Morocco to ṣe bẹbẹ.

   Agbabọọlu wọn Abdelhamid Sabiri ati Zakaria Aboukhlal ni iṣẹju marundinlogun ki ifẹṣẹwọnṣẹ pari.

   Nise ni papa iṣere bẹrẹ si ni mi titi pẹlu aruwo pẹlu awọn ololufẹ ẹrẹbọọlu ti Morocco fo fun ayọ fun aṣeyọri.

   Ija bẹ silẹ ni Brussels nitori Morocco na Belgium ni World Cup to n lọ lọwọ

   

   Awọn eniyan kọju ija si ara wọn ni ilu Brussels to jẹ olu ilu orilẹede Belgium lẹyin ti Morocco san bantẹ iya fun Belgium pẹlu ami ayo meji si odo

   Nise ni awọn eniyan to n ṣatilẹyin fun Belgium takop Morocco koju ija si ara wọn ni ori popo nibẹ

   Awọn ọlọpaa ni lati tu wọn ka pẹlu taju taju ki wọn to dawọ ija naa duro.

   Amọ wọn jo ọkọ ọlọpaa lasiko ija naa nitori bọọlu.

   Esi ifẹṣẹwọnṣẹ naa fihan pe Morocco ti wa ni oke saaju Belgium lori atẹ pelu point mẹrin, ti Croatia si wa loke tẹntẹ atẹ Group F pẹlu iye bọọlu ti wọn ti gba si awọn lẹyin ti wọn na Canada pẹlu ami ayo mẹrin si ẹyọkan.

6. 23 Bélú 2022Ẹ̀fọn Japan já bàálù Germany lúlẹ̀ ní Qatar 2022

   

   Oríṣun àwòrán, Getty Images

   Bí ìdíje ìfẹsẹ̀wọnsẹ̀ àgbáyé ṣe ń tẹ̀síwájú ní orílẹ̀ èdè Qatar ni àrà ọ̀tún ń ṣẹ́yọ.

   Lónìí ìfẹsẹ̀wọ̀nsẹ̀ tó wáyé láàárín orílẹ̀ èdè Japan àti Germany tún ń ṣe àwọn ènìyàn ní kàyéfì bí Japan ṣe wọ́ Germany nílẹ̀ tuurutu pẹ̀lú góòlù méjì sódo.

   Germany àti Japan tó wà ní ipele E kojú ara wọn fún ìgbà àkọ́kọ́ níbi ìdíje tí ọdún yìí.

   Ní ìṣẹ́jú mẹ́tàlélọ́gbọ̀n tí ìfẹsẹ̀wọnsẹ̀ náà bẹ̀rẹ̀ ni Ilkay Gundogan gba pẹnáritì wọlé sí àwọ̀n Japan tí Germany sì ń lékè pẹ̀lú góòlù kan sí òdo.

   Nígbà tó máa ìṣẹ́jú márùndínlọ́gọ́rin ni Ritsu Doan láti Japan dá góòlù náà padà sí góòlù kan sí ẹyọ̀kan.

   Takuma Asano ló tun fi ọba le fún Japan nígbà tó tún sọ góòlù mìíràn sáwọ̀n Germany láti sọ ìdíje náà di góòlù méjì sí ẹyọ̀kan.

   Èyí ló mú kí ìfẹsẹ̀wọnsẹ̀ náà parí pẹ̀lú góòlù méjì sí ẹyọ̀kan bí Japan ṣe gbo ewúro sójú Germany.

   Ẹ̀ẹ̀mẹrin ọ̀tọ̀ọ̀tọ̀ ni Germany ti gba ife ẹ̀yẹ àgbáyé tí wọ́n sì tún gbé igbákejì ní ẹ̀ẹ̀mẹta.

   Ìdíje ọdún yìí ló jẹ́ ìgbà keje tí Japan yóò máa kópa nínú ìdíje ife ẹ̀yẹ àgbáyé tí wọn kì í sì kọjá ipele Round of 16.

7. 22 Bélú 2022David Saudi fí òkúta fọ́ ẹnu Goliath Argentina

   

   Oríṣun àwòrán, Getty Images

   Ikọ ẹgbẹ agbabọọlu orilẹede Argentina ri ohun iyalẹnu lonii nigbati ti wọn koju ikọ ẹgbẹ agbabọọlu orilẹede Saudi Arabia, ti wọn si lulẹ ninu idije ife ẹyẹ agbaye to nlọ lorilẹede Qatar.

   Ifẹsẹwọnsẹ ọhun lo bẹrẹ ni dede ago mọkanla, ti Balogun ikọ Argentina, Lionel Messi si ṣide goolu pẹlu pẹnariti lẹyin ti agba-ọwọ ẹyin Saudi ṣe agbabọọlu Argentina Paredes leṣe.

   Messi gba pẹnariti naa wọle ni bii iṣeju mẹwaa ti ifẹsẹwọnsẹ naa bẹrẹ.

   Lẹyin naa ni Argentina mi awọn nigba mẹta ṣugbọn rẹfiri wọgile wọn nitori pe wọn jẹ́ ‘Offside’.

   Kete ti abala kẹji bẹrẹ ni awọn agbabọọlu Saudi Arabia, Al Shehri ati Al Dawsari gbo ewuro si oju ikọ Argentina , ti wọn ṣe wọn yamayama.

8. 21 Bélú 2022FIFA kéde pé tíkẹ́ẹ̀tì ìwòran 2.95 mílíọ̀nù làwọn ti tà fún ife ẹ̀yẹ ‘World Cup’

   

   Oríṣun àwòrán, FIFA

   Ajọ ere bọọlu lagbaye, FIFA ti sọ pe nnkan bii miliọnu mẹta tikẹti iworan bọọlu fun ife ẹyẹ agbaye lawọn ti ta fun awon eeyan kaakiri.

   Agbẹnusọ kan fun ajo so fun ileeṣẹ akoroyinjọ AFP pe titi di ọjọ Aiku tikẹẹti iworan ti iye rẹ je milionu mẹta o din marun, (2.95 million) ajo naa ri ta.

   Ọjọ Aiku ni idije ife ẹyẹ agbaye bẹrẹ lorilẹede Qatar eti to ti mu ki ariwo ife ẹyẹ naa tun pọ sii lori ayelujara bi o tilẹ je pe oniruuru iroyin odi nipa fifi aye gba Qatar lati gbalejo idije naa lo jade.

   Ifesewonse mẹrinlegota ni yoo waye laarin ọjọ mokandinlogbon ti yoo waye nibẹ.

   Nṣe lawọn eeyan n to kaakiri awọn ibudo ti ajọ FIFA ti ya sọtọ fun tita ati rira awọn tikẹti iworan bọọlu naa ni ilu Doha.

   Nibayii iye tikẹti iworan ti wọn ta ni Qatar ti gbẹnisoke ju ti Russia lọdun 2018 lọ bayii. Irinwo o le miliọnu meji ni tikẹti iworan lodun 2018.

   Agbẹnusọ fun FIFA naa sọ pe, Qatar, Saudi Arabia, Amẹrika, Mexico, ilẹ Gẹẹsi, United Arab Emirate, Argentina, France, ati Brazil lawọn eeyan ti ra tikẹti iworan yii julo.

   Aarẹ ajọ FIFA, Giovanni Infatino ṣalaye nibi apero kan pe iye owo ti won n reti lati pa wọle lọdun mẹrin -merin yoo wọ biliọnu meje abọ dola lọdun yii.

   Eyi yoo fi biliọnu kan pọ ju iye ti wọn f’ọkan sí lọdun mẹrin sẹyin.

   Infatuno sọ pe, iye to wole naa jọ oun loju pẹlu gbogbo ipenija ajakalẹ arun COVID19 at’awọn wahala kaakiri agbaye.

   O ṣeeṣe ki wọn tun Infatino yan gẹgẹ bi aarẹ ajọ FIFA loṣu kẹta odun to n bọ.

   O ni awọn ofin tuntun to de awonmanija egbe yoo jade lọdun to n bo.

   Infatino tun sọ pe oun fẹ tubọ fẹ ki Ifesewonse laarin orilẹede lati ẹkun ọtọọtọ ati fifẹ idije ife ẹyẹ agbaye loju sii.

9. 21 Bélú 2022England ṣẹ̀ṣó ìyà 6-2 fún Iran ní ìfẹsẹ̀wọ́nsẹ̀ wọn àkọ́kọ́ ní Qatar 2022

   Ami ayo mẹfa si meji ni ẹgbẹ agbabọọlu orilẹ-ede England fi lu Iran ninu ifẹsẹwọnsẹ wọn akọkọ ni idije World Cup 2022.

   Ifẹsẹwọnsẹ naa to bẹrẹ ni nkan bi aago meji ọsan oni waye ni papa iṣere

   Ami ayo mẹta si odo ni wọn gba ni abala akọkọ idije naa, ti England si tun fi mẹta le e ni abala keji.

   Amọ orilẹ-ede Iran naa sọ pe awọn ko sin wọn wa si papa iṣere, pẹlu bi wọn ṣe gba bọọlu wọn akọkọ sinu awọn nigba ti ifẹsẹwọnsẹ wọ iṣẹju marundinlaadọrin.

   Mehdi Taremi lo gba bọọlu naa wọle fun wọn.

   Orilẹ-ede Iran tun pada gbiyanju agbara wọn nigba ti asiko ti wọn fi kun ifẹsẹwọnsẹ naa, extra time, wọ iṣẹju mẹtala. Mehdi Taremi naa lo tun fakọyọ.

   Igba kẹrindinlogun re e ti orilẹ-ede England n kopa ni idije World Cup.

   Gareth Southbale to jẹ akọnimọọgba wọn sọ pe irinajo idije ti ọdun yii ni ireti wa pe England yoo fi mu inu awọn ọmọ orilẹ-ede wọn dun, paapaa ni asiko yii ti ọrọ aje wọn dẹnu kọlẹ.

   Awọn agbabọọlu to gba wọ inu awọn fun England ni:

   Jude Victor William Bellingham, Bukayo Saka, Raheem Sterling, Marcus Rashford ati Jack Grealish.

   Ẹgbẹ agbabọọlu Iran ko tii tayọ kọja ipele akọkọ ni idije World Cup lati ọdun ti wọn ti n kopa.

   Meji pere ninu ifẹsẹwọnsẹ mẹẹdogun ti wọn ti gba si ni wọn bori.

   Ẹgbẹ agbabọọlu orilẹ-ede USA ni England yoo koju ni ifẹsẹwọnsẹ wọn keji.