Aarẹ Muhammadu Buhari, igbakeji rẹ, awọn gomina ipinlẹ ati awọn igbakeji wọn ni wọn bura fun lonii
Yetunde Olugbenga and Busayo Akogun
Ẹ̀ ṣeun ti ẹ dara pọ̀ mọ́ wa lónìí fún ìròyìn káàkiri Nàìjíríà níbi tí ètò ìbúrawọlé ti ń wáyé.
Ẹ máa kàn sí bbc.co/yoruba ní gbogbo ìgbà fún àwn ìròyìn àtìgbà dé ìgbà.
Látọwọ́ Yetunde Olugbenga àti Busayo Akogun tó ń jábọ̀, a dúpẹ́ púpọ́ lọ́wọ́ yín.
Ó dìgbà kan ná!
Oludije ipo aarẹ labẹ asia ẹgbẹ oṣelu AAC ninu idibo to kọja ni "bi ẹ ba wo o dadaa, inu awn ọmọ Naijiria ko dun si eto to n lọ lonii".
Lori pe aarẹ́ Buhari ko sọ̀rọ̀ iburawọle si awọn ọm Naijiria, Omoyele Sowore ni ijọba paṣan ni Naijiria wa yii eyi ti o ta ba ara ile ta ba ara oko".
O ni aarẹ ko sọrọ tori pe ki lo fẹ sọ to jẹ́ wi pe irọ ni gbogbo rẹ.
Gẹ́lẹ́ ti Gomina tuntun ti ipinlẹ Eko Babajide Sanwoolu gun ori pepele lati burawọle niwaju adajo lojo bẹrẹ si ni bọ́ to bẹẹ̀ ti wọn sare ga agboojo le gomina tuntun lori.
Lara awọn eekan oṣelu Naijiria ree gẹgẹ bi alejo pataki nilu Abuja nibi eto ibura wọle.
Ni kete ti Aarẹ Muhammadu Buhari burawọle fun saa keji - Aarẹ kan ka ọrọ ibura rẹ ni. Lẹyin naa lo tẹwọ gba asia tuntun lati ṣilẹkun fun saa rẹ keji, to si rin kiri ninu ọkọ ni eto iburawọle naa wa si opin.
Aarẹ ko wulẹ sọrọ apilẹkọ kankan gẹgẹ bii ti atẹyinwa fun gbogbo aarẹ tabi gomina tuntun ti wọn ba bura fun.
Aṣe jijuwọ pe o dabọ, o ya nile ni aarẹ ju si awọn ọmọ Naijiria.
Oríṣun àwòrán, @BashirAhmaad
Lara awọn esi ẹyin ololufẹ wa rèé lójú opo Facebook bbcnewsyoruba
Kẹti kẹti ni ero wọ tẹle amoju ẹrọ Seyi Makinde ati iyawo rẹ lọ si ibi eto iburawọle ni ipinlẹ Oyo
Igbakeji gomina ipinlẹ̀ Eko, Obafemi Hamzat, iyawo ati awọn ọmọ rẹ lori pepele iburawọle.
Ààrẹ Buhari rèé tó ń búra níwájú adájọ́ àti gbogbo ọmọ Nàìjíríà
Gbagede Tafawa Balewa Square ni eto iburawọle ti ipinlẹ Eko yoo ti waye.
Lọwọ lọwọ, awọn eniyan ti wa nikalẹ ti awọn onilu si n fi ilu ki awọn eeyan kuabọ bi wọn ṣe n wọle si gbagede.
Bakan naa ni olori ikọ ogun amuṣẹya ro dẹdẹ ni imura ologun ki aabo lee daju nibi eto iburawọle.
