Ọlatunji, akẹ́kọ̀ọ́gboyè 'graduate' tó ń ta àkàrà 'Ó ta lẹ́nu' nílùú Osogbo

Iṣẹ akara dindin ati tita jẹ ara awọn iṣẹ ti ọjọ ori rẹ pọ julọ ni ilẹ Yoruba, a si lee ka kun ara awọn iṣẹ ti ọpọ maa n foju iṣẹmbaye wo nilẹ Yoruba.

Ni ilu Oṣogbo, ni ipinlẹ Ọṣun lẹkun iwọoorun gusu orilẹede Naijiria arakunrin kan ti orukọ rẹ n jẹ James Ọlatunji dojukọ owo akara dindin ti ọpọ n fi oju iṣẹ obinrin wo lọpọ igba yii to si ti di ilumọọka lori rẹ.

Akẹkọọ jade to gboye lori imọ nipa akoso okoowo, Business administration ni Arakunrin Ọlatunji, o ni lẹyin ikẹkọjade oun, ti oun si wo pe kaka ki oun o maa tọrọ jẹ nitori aisi iṣẹ to wa lode loun fi gbe igba akara dindin ati tita leyi ti oun ko si kabamọ rẹ.