You’re viewing a text-only version of this website that uses less data. View the main version of the website including all images and videos.
End SARS protest today: Ṣé òótọ́ ni pé Anonymous ti já gbogbo ojú òpó ìjọba Nàìjíríà gbà lórí Twitter?
Awọn agbọnaẹburuwọle si ori itakun agbaye, Anonymous, ti kede pe wọn ti ja gbogbo itakun ayelujara ijọba Naijiria gba ni atilẹyin fun iwọde End SARS to n lọ lọwọ.
Anonymous lo kede bẹẹ lẹyin to ja oju opo Twitter ti ileeṣẹ ijọba apapọ to n ri si ọrọ igbohunsafẹfẹ, NBC, gba ni afẹmọju ọjọ Ẹti.
Lẹyin naa ni wọn kọ akọle kan pe "Awa Anonymous ti ja gbogbo itakun Twitter ijọba Naijiria gba lati ṣatilẹyin fun ifẹhonuhan End SARS."
- Wo ìsọ̀rí àwọn tó jẹ́ kí ìwọ́de End SARS / end SWAT lárinrin àti ìtumọ̀
- Ìjọba ìpínlẹ̀ Eko ti kéde orúkọ àwọn ọlọ́pàá tó fi ìyà jẹ àwọn olùwọ́de End Sars
- Ìjọba Nàìjíríà ti gbà láti san N30b owó àjẹmọ́nú fún ASUU
- Mi ò mọ̀ nípa àwọn tọ́ọ̀gì tó da ìwọ́de EndSARS Alausa rú, mo ṣì wà lẹ́yìn yín digbí! - Sanwoolu
Awọn ẹruku naa tun bere lọwọ awọn to wa loju opo NBC ọhun irufẹ oju opo ileeṣẹ ijọba apapọ ti wọn n fẹ ki awọn tun ja gba.
Ṣugbọn nigba ti ileeṣẹ iroyin BBC ṣe abẹwo si ọpọ ninu oju opo ti ijọba apapọ n ṣakoso rẹ, a rii pe digbi ni wọn ṣi wa.
O ti to nnkan bi ọjọ mẹwaa ti awọn ọdọ naijiria ti gunlẹ iwọde End SARS, ti wọn si bere fun atunto si ileeṣẹ ọlọpaa, ati opin si ẹka rẹ to n gbogun ti iwa idigunjale, SARS.
