DBanj: Ikú ọmọ mi kò leè paná ìfẹ́ láàrín èmi àti ìyàwó mi
Oríṣun àwòrán, @Dbanj
D Banj: àdánwò kò lè ṣalai má de ba ẹ̀dá láyé
Gbajugbaja olorin takasufe ni, Dapo Daniel Oyebanjo ti ọpọ mọ si DBanj ti sọ pe iku ọmọ ohun to waye laipẹ yii ko lee ya ifẹ oun ati iyawo oun, Lineo.
Ninu awo orin tuntun to gbe jade, diẹ ninu eyi to fi sori oju opo Instagram ati twitter rẹ, DBanj ni gbogbo ipenija yoowu ti o lee koju oun tabi ẹbi oun, iyawo oun ni iyawo oun yoo ma jẹ o.
Àwọn iròyin tì ẹ leè ní ìfẹ̀ síí:
Olorin takasufe naa tun jẹ ko di mimọ ninu ọrọ pelebe to kọ sori ikanni Instagram rẹ pe, " A o jumọ la gbogbo idanwo ti a ba n koju kọja ni. Eyi ni fun iwọ iyawo mi #WhatYouWant #LetterToMyWife #Everything #MamaDaniel 8/8/18.''
Oríṣun àwòrán, Dbanj
Orin yii n wọle lẹyin ọjọ diẹ to ṣe akọsilẹ ohun ti oju ẹbi rẹ ri ati ọna ti o n gba wẹ ọgbẹ ajalu iku ọmọ rẹ ninu atẹjade kan to fi sita lori ikanni instagram rẹ.
Gẹgẹ bi o ṣe sọ, nnkan ko fi bẹẹ rọgbọ latigba ti ọmọ rẹ ọkunrin ti ku.
Oríṣun àwòrán, Dbanj
Lati igbayi wa, DBanj yẹra fun ikanni ayelujara gbogbo titi di ibẹrẹ oṣu keje to gbe atẹjade kan jade ninu eyi to ti dupẹ fun atilẹyin gbogbo eeyan to ṣugbaa rẹ.
