Эркакнинг қорнидан бир килодан ортиқ мих, гайка ва пичоқ чиқди - dunyo yangiliklar

Ғайриодатий ҳодиса Литвада юз берган. Эркак бир килодан ошиқ метал буюмни бир ойнинг ичида ютгани маълум бўлган.

Шифокорларнинг айтишларича, у бу ишга ичишни ташлаши ортидан қўл урган.

Шунча мих, гайка ва пичоқ эркакнинг ошқозонидан жарроҳлик йўли билан олиб ташланган.

Унинг ошқозонидан чиққан айрим метал буюмларнинг узунлиги 10 сантиметрни ташкил этиши айтилмоқда.

Маҳаллий хабарларга кўра, жарроҳлик амалиёти Литвадаги Клайпеда университети касалхонасида ўтказилган.

Жарроҳ Шарунас Дайлиденас бунақаси ўзларининг иш тажрибаларида деярли учрамаслигини эътироф этган.

Буни "камёб воқеълик", деб атаган.

Эркакнинг ошқозонидан чиққан метал буюмлар битта патнисни тўлдирган.

Бунга LRT (Литва миллий телерадиокомпанияси) ўзининг хабарига илова қилган касалхонанинг фотосурати далолат қилган.

Эркак кучли қорин оғриғи ташхиси билан "Тез ёрдам" машинасида касалхонага келтирилган.

Жарроҳлик амалиёти нақ уч соат давом этган.

Ҳануз касалхонада, шифокорларнинг назорати остида қолаётган "ноёб" беморнинг аҳволи ҳозир барқарор экани айтилади.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek