Коронавирус фотосуратларда: дунё бўйлаб дала госпиталлари қурилмоқда Koronavirus

A field hospital in Rafah, Gaza Strip — Сурат тагсўзи, Ғазо бўлгасидаги Рафаҳда барпо этилаётган дала госпитали

30 март 2020

Коронавируснинг глобал беморлари сони 30 март куни 737 ярим мингдан ортди, ҳалокатли вирус 35000 дан ортиқ инсоннинг ёстиғини қуритди.

Коронавирус мамлакатларнинг тиббиёт тизимига мислсиз босим ўтказмоқда, ҳукуматлар минглаб беморларни қабул қилоладиган дала госпиталларини қуришга киришган.

Қурилиш ишлари ва тиббиёт ходимлари ҳамда мижозларни қўллаб-қувватлашга қуролли кучлар ва ҳатто вақтинча ишсиз бўлиб турган авиа компанияларнинг ходимлари жалб этилмоқдалар.

Конференция саройлари, стадионлар ва кўргазма заллари муваққат шифохоналарга айлантирилмоқда.

Лондонда ExCel кўргазма маркази 4000 мижозни қабул қилоладиган касалхонага айлантирилди.

NHS Nightingale is being built to try to ease demands on the UK health service — Сурат тагсўзи, Янги Найтингэл шифохонаси ҳам қурилди

Нью-Йорк АҚШдаги коронавирус эпицентрига айланди, мамлакат эса юқтирганлик ҳолати тасдиқлангани рақамлари бўйича дунёнинг биринчи мамлакатига чиқиб олди.

Нью-Йоркнинг Марказий Паркидадала госпитали, бош шифохонанинг ёнида эса муваққат ўликхона қуришга киришилди.

Medics will treat Covid-19 patients in Central Park, New York City — Сурат тагсўзи, Нью-Йорк Марказий Паркидаги дала госпитали 68 беморга мщлжалланган

Европанинг коронавируснинг энг кучли зарбасига дуч келган мамлакати - Италиядаги шифокорлар ўзларининг дала госпиталидаги иш шароитлари "уруш замони" шароитига қиёслашади.

Skip Энг кўп ўқилган and continue reading

Энг кўп ўқилган

End of Энг кўп ўқилган

Ломбардиянинг Кремасида армия чодирли дала госпитали бунёд этди, Кубадан учиб келган 52 доктор маҳаллий шифокорларга ёрдам кўрсатаяпти.

A field hospital in Crema, Lombardy where health workers are struggling to cope with the outbreak — Сурат тагсўзи, Ломбардия Кремасидаги дала госпитали

Эрон илк ўлим ҳолатлари кўпайган мамлакатлардан бири бўлди, 30 март кунигача 2757 эронлик ҳаётдан кўз юмди.

Ҳарбийлар пойтахт Теҳронда ташкил қилган шифохона 2000 беморга мўлжалланган.

A Tehran exhibition centre will treat thousands of Iranian patients — Сурат тагсўзи, Теҳрон кўргазма маркази ҳам шифохонага айлантирилди

Бразилияда 4300 дан ортиқ ҳолат аниқланди, қарийб 140 инсон вафот этди. Футбол бўйича Жаҳон чемпионати тадбирларида фойдаланилган биноларни тиббиёт тизими ихтиёрига беришга қарор қилинди.

Пакаембу стадиони ҳам дала госпиталига айлантирилди, бу стадионда Поль Маккартни, Роллинг Стоунз гуруҳи сингари машҳурлар концерт беришган.

The Rolling Stones are among artists who have performed at Sao Paulo's Pacaembu Stadium — Сурат тагсўзи, Пакаембу стадиони ичидаги шифохонада 200 беморни даволаш мумкин

Ғазо бўлгасининг Рафаҳида дала госпиталини қуриш март ойининг ўртасида бошланди.

БМТ Фаластин ҳудудларидаги қашшоқлик ва издан чиққан тиббиёт тизими коронавирус тез тарқаши ва кўп талофатларга етаклаши мумкинлигидан хавотирини билдирган.

Palestinian coronavirus patients will be treated at this field hospital Rafah, Gaza Strip — Сурат тагсўзи, Рафаҳдаги дала госпиталига фаластинлик коронавирус беморларини ётқизиш мўлжалланган

Испанияда ҳалокатли вирус бир кунда 700-800 инсоннинг ёстиғини қуритаяпти, шу кунгача ўлим ҳолатларининг сони 7340 тага етди.

Мадрид энг кўп коронавирус тарқалган шаҳар. Айрим мижозларни шифокорлар кўргазма марказида даволашяпти.

A hospital in the Ifema exhibition centre in Madrid began receiving patients last week — Сурат тагсўзи, Мадриднинг Ифема кўргазма марказидаги шифохона беморларни ўтган ҳафта қабул қила бошлади

АҚШ Флоридасида 250 беморга мўлжалланган шифохонани қуриш бошланди.

Яна бир шифохона Форт Лаудердэйл аэропортида барпо этилади.

Florida is preparing for a surge in coronavirus cases — Сурат тагсўзи, Флорида ҳам коронавирус тарқалишига тайёргарлик кўраяпти

АҚШнинг "Комфорт" ҳарбий шифохона-кемаси 28 март куни Норфолк ҳарбий денгиз базасидан Нью-Йоркка қараб сузишни бошлаган, душанба куни етиб бориши кутилмоқда.

Госпитал кема 1000 бемор ўрнига эга.