Мирзиёев Рамазон Ҳайити муносабати билан 226 маҳбусни авф этди

Президент Шавкат Мирзиёев Рамазон Ҳайити муносабати билан 226 нафар маҳбусни авф этиш ҳақидаги фармонга имзо чеккан.

Улардан 102 нафари озодликка чиқади, қолганларнинг жазо муддатлари камайтирилади.

Авф этилаётган маҳбуслардан 39 нафари чет эл фуқароларидир.

Бу Ўзбекистонда давлат раҳбарининг Рамазон Ҳайити муносабати билан биринчи марта амнистия эълон қилиши.

Аввалароқ Президент «Рамазон ҳайитини нишонлаш тўғрисида»ги қарорни имзолаган.

Унга мувофиқ, 15 июнь Рамазон Ҳайитининг биринчи куни деб эълон қилинган.

Ўзбекистонда бу йил Рамазон Ҳайити уч кун байрам қилинади.

BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek