Содиқ Сафоев: Тошкент анжумани мақсади - Афғонистондаги тинчлик учун замин яратиш
Афғонистонда тинчлик ўрнатиш мақсадидаги халқаро анжуман доирасида Ўзбекистон Олий Мажлиси Сенати раисининг биринчи ўринбосари Содиқ Сафоев Би-би-сига интервью берди.
26-27 март кунлари Ўзбекистон пойтахтида "Тинчлик жараёни, хавфсизлик соҳасида ҳамкорлик ва минтақавий шериклик" деб номланган халқаро конференция бўлиб ўтади.
Халқаро конференцияга дунёнинг 20 дан ортиқ давлати ва қатор халқаро ташкилотлар вакиллари қатнашмоқдалар.
Афғонистон Президенти Ашраф Ғани, АҚШ давлат котибининг сиёсий масалалар бўйича ўринбосари Томас Шеннон, Европа Иттифоқи ташқи сиёсат идораси раҳбари Федерики Могерини ва бошқалар иштирок этадиган анжуманда Афғонистондаги "Толибон" жангари гуруҳи қатнашиш истагини билдирмаган.
"Мен Тошкент конференциясининг муваффақиятини ёки муваффақиятсизлигини у ёки бу кучнинг иштирок этиши ёки иштирок этмаслиги билан белгиламас эдим", деди Би-би-си билан суҳбатда Олий Мажлис Сенати раисининг биринчи ўринбосари Содиқ Сафоев.
"Бу ерда энг асосийси Афғонистон муаммосини тинч йўл билан ҳал этиш борасида замин, платформанинг ташкил этилишидир. Тошкент конференциясининг тугаши, жараён тугашини англатмайди, балки у Афғонистонда тинчлик ўрнатиш бўйича сиёсий жараённинг бошланишидир," деди жаноб Сафоев.
BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek
