Нурек ГЭСидаги носозлик Тожикистонни зулматда қолдирди

"Барқи Тожик" Давлат энергетика холдинги нега 28 октябр тунида деярли бутун Тожикистон электр қувватисиз қолгани сабаби борасида тушунтириш берди.

"Барқи Тожик" ширкатидан маълум қилишларича, Нурек Гидроэлектр станциясида маҳаллий вақт билан соат 18:29 ларда техник носозлик юзага келган, ГЭСнинг аварияга қарши автоматик тизими дарҳол ишга тушган ва гидроэлектр станциянинг барча агрегатларини тўхтатиб қўйган.

Оқибатда Тожикистоннинг Тоғли Бадахшон Мухтор вилоятидан бошқа барча ҳудудлари электр таъминотисиз қолган.

Пойтахт Душанбе шаҳри зулматга чўмган.

Кўчаларда светофорлар ишламай қолган.

Нафақат турар-жой бинолари, балки давлат идоралари, давлат телеканаллари ва радиостанциялар ҳам электрсиз қолган.

Душанбе аэропорти ва мобил алоқа операторлари генераторлар билан ишлашга ўтган.

Худди шу вазият Тожикистоннинг иккинчи йирик шаҳри Хўжандда ҳам кузатилган.

"Барқи Тожик" холдинги Нурек ГЭСини қайта тиклаш учун фавқулодда чораларга киришилгани оқибатида орадан 2 соат 20 дақиқалар ўтиб, гидроэлектр станциядан электр узатиш бошланганини айтишди.

Душанбедан 100 километрча узоқликда жойлашган Нурек ГЭСидаги носозлик сабабини ўрганиша мақсадида махсус комиссия ташкил этилган.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз:+44 78-58-86-00-02

• ТЕЛЕГРАМДА ЭСА каналимиз - https://telegram.me/bbcuzbek

• Instagram - BBC UZBEK

• Twitter - BBC UZBEK

• Odnoklassniki - BBC UZBEK

• Facebook - BBC UZBEK

• Google+BBC UZBEK

• YouTube - BBCUZBEK (https://www.youtube.com/user/bbcuzbek)

• Skype - uzbekbbclondon

• bbcuzbek.comга тўсиқ бўлса, uzbekweb.netга киринг