آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
امریکی صدارتی انتخابات 2020: ڈونلڈ ٹرمپ کی حمایت میں پریڈ کے دوران کئی کشتیاں ڈوب گئیں
حکام کا کہنا ہے کہ نومبر میں ہونے والے صدارتی انتخابات میں صدر ڈونلڈ ٹرمپ کی حمایت کے لیے امریکی ریاست ٹیکساس کی ایک جھیل پر پریڈ کے دوران کئی کشتیاں ڈوب گئیں ہیں۔
حکام کا کہنا ہے کہ ایسا ریاست کے دارالحکومت آسٹن کے قریب ٹریوس جھیل پر بڑی تعداد میں کشتیوں کے ایک ساتھ مل کر آگے بڑھنے کی وجہ سے ہوا۔
تصاویر میں ٹرمپ مہم کے جھنڈوں والی کشتیوں کو ہچکولے کھاتے دیکھا جا سکتا ہے۔
یہ بھی پڑھیے
میڈیا کا کہنا ہے کہ لوگوں کو پانی سے ریسکیو کرنا پڑا تاہم ابھی تک کسی کے زخمی ہونے کی کوئی اطلاع نہیں ہے۔
ٹریوس ٹرمپ بوٹ پریڈ نامی اس ایونٹ کا انعقاد فیس بک پر کیا گیا تھا اور 2600 سے زائد افراد نے اس میں اپنی شرکت کے بارے میں بتایا تھا۔
End of سب سے زیادہ پڑھی جانے والی
ٹریوس کاؤنٹی شیرف دفتر کی ترجمان کرسٹن ڈارک نے کہا ہے کہ اس بارے میں تحقیقات کا آغاز کر دیا گیا ہے تاہم جان بوجھ کے ہونے والے کسی عمل کا ثبوت نہیں ملا۔
انھوں نے کہا ’ہم نے تکلیف اور پریشانی میں مبتلا کشتیوں کی متعدد کالز کا جواب دیا، ان میں سے کئی ڈوب گئیں۔ آج ہمارے پاس جھیل پر غیر معمولی تعداد میں کشتیاں تھیں اور جب وہ سب ایک ہی وقت میں چلنے لگیں تو اس سے تیز لہریں پیدا ہوئیں۔‘
فیس بک پر اس ایونٹ کے پیج پر کشتیوں کو 16 کلومیٹر فی گھنٹہ کی رفتار سے چلانے کا کہا گیا تھا۔
آسٹن میں محکمہ موسمیات کے پال یورا نے ایسوسی ایٹڈ پریش کو بتایا کہ پریڈ کے وقت علاقے میں کوئی طوفان نہیں تھا۔
