آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
تھائی لینڈ: ’شاہی کنسورٹ‘ کی نادر تصاویر نے تہلکہ مچا دیا
تھائی لینڈ کے شاہی محل نے نو منتخب شاہی کنسورٹ کی نادر تصاویر شائع کی ہیں۔
اطلاعات کے مطابق صارفین کی بڑی تعداد نے ان تصاویر کو دیکھنے میں دلچسپی لی جس کے باعث ویب سائٹ کریش کر گئی۔
34 سالہ سنینت وانگ واجیرپاکدی کو ان تصاویر میں فائٹر جیٹ، جنگی لباس اور بندوق چلاتے ہوئے دیکھا جا سکتا ہے۔
کنسورٹ کا لقب بادشاہ کی جانب سے اپنی شریک حیات یا ساتھی کو دیا جاتا ہے۔
تھائی لینڈ کے 67 سالہ بادشاہ مہا وجیرالونگ کورن نے اپنی چوتھی اہلیہ ملکہ سوتھدا سے شادی کے دو ماہ بعد جولائی میں سنینت کو یہ اعزاز دیا ہے۔
میجر جنرل سنینت وہ پہلی شخصیت ہیں جنھیں ایک صدی میں رائل نوبل کنسورٹ کے لقب سے نوازا گیا۔
خبر رساں ادارے روئٹرز کے مطابق یہ تصاویر شائع ہونے کے بعد ویب سائٹ پر بے تحاشہ ٹریفک کے باعث ویب سائٹ بیٹھ گئی۔
شاہی ساتھی کی سوانح حیات کے ساتھ یہ تصاویر شائع کی گئی ہیں۔
End of سب سے زیادہ پڑھی جانے والی
تھائی لینڈ کے محل سے جاری کیے جانے والے ایک بیان میں کہا گیا ہے کہ بادشاہ نے سنینت کے لیے ’شاہی سوانح حیات تخلیق‘ کرنے کا حکم دیا ہے جو تربیت یافتہ پائلٹ، نرس اور محافظ ہیں۔
41دوسری جانب سالہ ملکہ سوتھیدا سابق فلائٹ اٹینڈنٹ اور بادشاہ وجیرالونگ کورن کی ذاتی گارڈز کے یونٹ کی ڈپٹی کمانڈر ہیں۔ ان کا بادشاہ وجیرالونگ کورن کے ساتھ پرانا تعلق ہے اور کئی سال تک ان کو عوام میں بادشاہ کے ساتھ دیکھا گیا ہے۔
67 سالہ بادشاہ مہا وجیرالونگ کورن سنہ 2016 میں اپنے والد کی وفات کے بعد تھائی لینڈ کے آئینی بادشاہ بنے تھے۔
