آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
میلبرن کے سپر سٹور کی چھت پر برہنہ فوٹو شوٹ کی اجازت
آسٹریلیا کی سپر مارکٹ چین ولورتھز نے اپنے فیصلے پر نظر ثانی کرتے ہوئے امریکی فنکار سپنسر ٹیونک کو میلبرن کے اپنے ایک سٹور کی کار پارکنگ کی چھت پر اجتماعی برہنہ تصویر کھینچنے کی اجازت دے دی ہے۔
اپریل میں ولورتھز نے پرہرن لوکیشن پر مسٹر ٹیونک کی برہنہ تصویر کھینچنے کی درخواست کو یہ کہتے ہوئے مسترد کر دیا تھا کہ سنیچر کے دن ایسا کرنا بہت زیادہ انتشار کا باعث ہو سکتا ہے۔
اس کے بعد اس کے لیے ایک آن لائن پیٹیشن لانچ کی گئی۔
اب ولورتھز کا کہنا ہے کہ وہ کار پارکنگ کی چھت کو پیر کی صبح ایک گھنٹے کے لیے استعمال کر سکتے ہیں کیونکہ اختتام ہفتہ پر خریداروں کی بھیڑ ہوتی ہے۔
یہ فوٹو شوٹ آسٹریلوی صوبے وکٹوریہ کے دارالحکومت میلبرن میں ہونے والے چیپل سٹریٹ پرووکیئر آرٹس فیسٹیول کا حصہ ہے۔
اس فیصلے کے بعد فیسٹیونل کے ڈائریکٹر جان لوٹٹن نے برطانوی خبررساں ادارے کو بتایا: 'ہم سب چاند پر ہیں'۔
یہ فوٹو شوٹ نو جولائی کو ہو گا اور اس کے لیے اب تک تقریباً 11 ہزار افراد نے برہنہ ہونے کے لیے خود کو رجسٹر کروایا ہے۔ اتنے زیادہ لوگ تو کار پارکنگ کی چھت پر بھی نہیں آ سکتے۔
جب اس فوٹو شوٹ کے لیے مسٹر ٹیونک نے درخواست دی تھی تو انھوں نے کہا تھا کہ اس میں تقریباً 500 افراد شامل ہوں گے۔
End of سب سے زیادہ پڑھی جانے والی
مسٹر لوٹن نے کہا کہ وہ اس میں شامل ہونے والے افراد سے سرکاری ٹرانسپورٹ کے استعمال کی گزارش کریں گے کیونکہ وہاں انھیں محدود پارکنگ دستیاب ہے۔
نیویارک کے رہائشی سپنسر ٹیونک اجتماعی برہنہ تصاویر کھینچنے کے لیے شہرت رکھتے ہیں اور بعض اوقات انھوں نے یہ تصاویر معروف سیاحتی مقامات پر بھی لی ہے۔
اس سے قبل انھوں نے چار ہزار رضاکاروں کی برہنہ تصاویر ایک دریا کے کنارے لی تھی۔ انھوں نے سڈنی اوپرا ہاؤس کے پاس سنہ 2010 میں بہت سے افراد کی برہنہ تصویر لی تھی۔
وہ اب تک 30 سے زیادہ ممالک میں 120 سے زیادہ اجتماعی برہنہ تصاویر لے چکے ہیں اور ان کی نظر میں یہ ایک فن ہے۔
