آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ہاروی طوفان: ٹیکساس کی تاریخ میں سب سے زیادہ بارش اور اس سے ہونے والی تباہ کاریوں کے مناظر
25 اگست کو سمندری طوفان ’ہاروی‘ ٹیکساس کے ساحل سے ٹکرایا اور اپنے ساتھ شدید بارشیں اور تیز ہوائیں لایا۔
ماہرین کے مطابق ٹیکساس کی تاریخ میں اس سے زیادہ بارش نہیں ہوئی ہے۔ کچھ کا کہنا ہے کہ اس ہفتے ہونے والی متوقع بارش ایک سال میں ہونے والی بارش کے برابر ہوگی۔
ہوسٹن میں اب تک 30 انچ بارش ہو چکی ہے جبکہ انتظامیہ نے تنبیہ کی ہے کہ 50 انچ بارش ہونے کے امکان ہیں۔
امریکہ کے چوتھے بڑے شہر میں شہریوں کو شدید مشکلات کا سامنا ہے اور مختلف مقامات پر عارضی پناہ گاہیں بنا دی گئی ہیں۔
ناسا کی جانب سے جاری کی گئی اس تصویر میں ہوسٹن کے اوپر موجود طوفان ’ہاروی‘ کی شدت کا اندازہ لگایا جا سکتا ہے۔
بارش کی وجہ سے شہر کی بیشتر سڑکیں دریا کا منظر پیش کر رہی ہیں۔
ہنگامی حالات کی وجہ سے انتظامیہ کے پاس سہولیات میں کمی پڑ گئی ہے اور شہری اپنی مدد آپ کے تحت امدادی کارروائیاں کر رہے ہیں۔
.
End of سب سے زیادہ پڑھی جانے والی
