’بموں کی ماں‘ پر پوپ فرانسس کا اعتراض
،تصویر کا ذریعہAFP
پوپ فرانسس نے امریکی فوج کی جانب سے اب تک میدان جنگ میں استعمال ہونے والے سب سے بڑے غیر جوہری ہتھیار ’تمام بموں کی ماں‘ کے نام پر تنقید کی ہے۔
ویٹیکن میں طالبابعلموں اور سامعین سے خطاب میں پوپ فرانسس نے کہا کہ جب انھوں نے یہ نام سنا تو انھیں بہت شرمندگی ہوئی۔
انھوں نے سوال کیا کہ ’ماں زندگی دیتی ہے اور یہ موت دیتا ہے اور ہم اس ڈیوائس کو ماں کہہ رہے ہیں۔ یہ کیا ہو رہا ہے؟
یاد رہے کہ اپریل کی 13 تاریخ کو امریکہ نے مشرقی افغانستان میں شدت پسند تنظیم دولت اسلامیہ کے زیرِ استعمال سرنگوں کے نیٹ ورک پر اپنا سب سے طاقتور غیر جوہری بم گرایا تھا۔ اس کا وزن 9800 کلوگرام تھا۔
امریکی فوج کے مطابق یہ بم صوبہ ننگرہار میں واقع دولت اسلامیہ کے سرنگوں پر مبنی کمپلیکس پر گرایا گیا۔
،تصویر کا ذریعہPUBLIC DOMAIN
جی بی یو 43/بی نامی اس بم کو 'بموں کی ماں' کہا جاتا ہے اور یہ تاریخ کا سب سے بڑا غیر جوہری بم ہے جو امریکہ نے کسی بھی کارروائی میں استعمال کیا ہے۔
اس بم کا پہلا تجربہ سنہ 2003 میں کیا گیا تھا۔
End of سب سے زیادہ پڑھی جانے والی
خیال رہے کہ پوپ کا یہ بیان ان کی امریکی صدر ڈونلڈ ٹرمپ سے 24 مئی کو ہونے والی ملاقات سے پہلے سامنے آیا ہے۔
