 | | | گینگ اور شکور رانا کے درمیان تنازعہ گھمبیر صورت اختیار کر گیا |
انیس سو ستاسی میں فیصل آباد میں پاکستان اور انگلینڈ کے درمیان کھیلے گئے دوسرے ٹیسٹ میں انگلینڈ کے کپتان مائیک گیٹنگ اور پاکستانی ایمپائر شکور رانا کے درمیان ایک تنازع پیدا ہوگیا جو بعد میں تاریخ کا حصہ بن گیا۔ دوسرے ٹیسٹ کے دوسرے دن آخری اوور میں جب آف اسپنرایڈی ہیمنگز گیند کرر ہے تھے اور ان کی تین گیندیں باقی تھیں اور سلیم ملک ان کا سامنا کر رہے تھے تو شکور رانا نےنوٹ کیا کہ انگلینڈ کے کپتان مائیک گیٹنگ اپنے فیلڈر ڈیوڈ کیپل کو بار بار اس وقت سلیم ملک کے پیچھے کھڑا کرنے کی کوشش کرتے ہیں جبکہ بیٹسمین، بالر کی طرف دیکھ رہا ہو تو شکور نے کھیل روک کر گیٹنگ کو وارننگ دی کہ یہ قانون کےخلاف ہے۔ جس پر انگلینڈ کے کپتان نے امپائر کو مغلظات سنائیں اور گالیاں دیں اور دھوکے باز کہا۔ امپائر شکور رانا نے بھی انگلینڈ کے کپتان کے خلاف یہی الزام لگائے اور کھیل ختم کر دیا گیا۔ شکور رانا نے تیسرے دن کھیل شروع کرنے سے انکار کر دیا۔اور یہ مطالبہ کیا کہ انگلینڈ کے کپتان ان سے معافی مانگیں۔اور یہی مطالبہ گیٹنگ بھی کرتے رہے۔ تیسرے دن کا کھیل شروع نہیں ہو سکا اور انگلینڈ کے منیجر اور کپتان اور کھلاڑیوں نے یہ دھمکی دی کے وہ دورہ ختم کر رہے ہیں۔ حالات اس قدر خراب ہوگئے کہ پاکستان بورڈ کے صدر جنرل صفدر بٹ نے انگلینڈ کے منیجر سے ملنے سے انکار کر دیا۔ یہاں لندن میں انگلینڈ کے کرکٹ بورڈ نے یہ آرڈر کر دیا کہ کپتان کو معافی مانگنی چاہیے۔ بالآخر مائیک گیٹنگ کو معافی مانگنا پڑی۔ | 
گیٹنگ اور شکور کے تنازعے کی وجہ کیا تھی: دیکھنے کے لیے یہاں کلک کریں
