عبدالرشید شکور بی بی سی اردو ڈاٹ کام

	بھارت کے خلاف لاہور اور پنڈی کے ٹیسٹ میچوں میں73 اور ناقابل شکست 60 کی اننگز نے ان کے باصلاحیت ہونے کی ایک اور سند دے دی۔

جنوبی افریقہ کے خلاف لاہور ٹیسٹ میں اپنے کریئر کی ابتدا انہوں نے یاد رکھے جانے کے انداز میں کی تھی اولین ٹیسٹ میں سنچری کا ان کا خواب صرف ایک رن کی کمی سے بکھر گیا تھا۔

اسی سیریز کے فیصل آباد ٹیسٹ میں معین خان کے ساتھ ان کی کوششوں نے میچ ڈرا کرنے میں مدد دی تھی۔

بھارت کے خلاف لاہور اور پنڈی کے ٹیسٹ میچوں میں73 اور ناقابل شکست 60 کی اننگز نے ان کے باصلاحیت ہونے کی ایک اور سند دے دی۔

آسٹریلیا کے دورے میں انہوں نے سڈنی ٹیسٹ میں شاندار87 رنز بنائے ۔ بھارت کے خلاف موہالی ٹیسٹ میں وہ ایک بار پھر نو رنز کی کمی سے سنچری سے دور رہ گئے جبکہ کولکتہ ٹیسٹ میں وہ نصف سنچری بناکر آؤٹ ہوئے۔

ویسٹ انڈیز کے دور ے میں دو صفر اور دو نصف سنچریوں کی کارکردگی کے بعد عاصم کمال پر یہ اعتراض کھل کر سامنے آیا کہ وہ اپنی اننگز کو تین ہندسوں میں تبدیل کرنے میں ناکام رہتے ہیں اور نازک موقع پر آؤٹ ہوجاتے ہیں اس اعتراض کے بعد پاکستانی ٹیم میں ان کی پوزیشن خطرے سے دوچار دکھائی دینے لگی ہے اور انہیں ایک بڑی اننگز کھیل کر اعتماد بحال کرنے کے ساتھ ساتھ اس اعتراض کو بھی دور کرنا ہوگا۔