عبدالرشید شکور
بی بی سی اردو ڈاٹ کام |  |
| | | سلمان بٹ میں ٹیلنٹ موجود ہے لیکن انہیں اپنی کارکردگی کے معیار کو بڑھانا ہوگا |
پاکستانی کرکٹ ٹیم نے حالیہ برسوں کے دوران جن اوپنرز پر طبع آزمائی کی ہے ان میں سلمان بٹ بھی شامل ہیں جنہوں نے پاکستان کے آخری آٹھ ٹیسٹ کی سولہ اننگز میں سے دس میں اننگز کا آغاز کیا ہے۔ ان میں وہ ایک سنچری اور ایک ہی نصف سنچری بنانے میں کامیاب ہوسکے ہیں۔ بائیں ہاتھ سے جارحانہ انداز میں بیٹنگ کرنے والے نوجوان سلمان بٹ دو سال قبل انٹرنیشنل کرکٹ میں سامنے آئے تھے جب انہوں نے جنوبی افریقہ اکیڈمی کے خلاف شاندار ڈبل سنچری کے نتیجے میں ملتان میں بنگلہ دیش کے خلاف ٹیسٹ کیپ حاصل کی لیکن متاثر کن کارکردگی نہ دکھا سکے۔ گزشتہ سال زمبابوے اور سری لنکا کے ساتھ ہونے والی سہ فریقی ون ڈے سیریز میں ان کی واپسی ہوئی لیکن انہیں صحیح معنوں میں شہرت بھارت کے خلاف کولکتہ کے ون ڈے انٹرنیشنل میں سنچری سے ملی۔ آسٹریلیا کے دورے میں سلمان بٹ نے میلبورن میں ستر اور پھر سڈنی میں سنچری بناکر داد سمیٹی لیکن بھارت اور ویسٹ انڈیز کےدورے میں وہ مکمل طور پر ناکام رہے۔ مبصرین کے مطابق سلمان بٹ میں ٹیلنٹ موجود ہے لیکن انہیں اپنی کارکردگی کے معیار کو بڑھانا ہوگا۔ | 
ایشیا کپ، سہیل اور وسیم دستیاب
